1 Vandodu vakwa muivadie imani ya Mundumi o wele, ko kikunda vandu fulani. 2 Koikoi mudu mlive kaingia mikutanonyi yam ararie rachi za zahabu na nguvo sighorokie, kavi kaigia masiki, kini aode nguvo sichafu, 3 na mukalora imujali saidi uja amonyi nguvo vaghoroke na iamba, "Tafisiri ungwe damia iha kughorokie" kake mkambia ujamasikini, "Ingwe imukana aja," ana "Damia gwanda ya madende vakwa." 4 Loi, mpepungana inye muvenyi, naiva na itambalwa uonde penya mbichwa? 5 Adanyene, vandodu vakwa gavakunde, loi, Makilunga elevsambura masikini va orika ko matajiri ko imani na ko laja uule alevaahidi avakunde? 6 Kake mumevamena masikini! Loi, chi matajiri vakenavatesa inywe, na chi vo vakenadambuka mahamani? 7 Loi, chi mataji vakenajidenga rina jija jioroke icho koiko mkenadikiru? 8 Hata kudo, ko mkinatimisa iya sheria ya kifalume kaja avere iveregha ko marenge, "Upemuknda vmurasa wapo ko igwe kunenyi," mkenauta loi. 9 Kake koja mkenaendelea, kati ya vadu, mkenauta sambi, mpehukumiwa ko sheria mekoja nyi vafunya sheria. 10 Komekoja wowose akeitii sheria yose, na bado kakava mutulia ko nukuta imu tu, ameva na ikosa jefunja sheria yose! 11 Koikoi Makilunga eleamba, "Usisini," nyiho kavi eleshideda, "Ulange." Cha ikusara, kake uode igwangha, umefunja sheria ya Mwele. 12 Ko ikio dedenyi na itii chakundu vaja ambao vakeri kufui ihukumiwa na sheria ya uhuru. 13 Komekoja hukumu nyichicha ulaichi huruma ko vaja valaode ya hukumu. 14 Kuode ucha muki, mdunu, koja mdu apeamba gaode imani, kake aode iutapo? Lwaha, imani iyo ipedima imkirapo? 15 Koja o vomi au ovaka au o vakanyi nyauri o guvo au kando kiya kiyo, 16 na umu wanu kambia, "Kake mepe vaniga matajiri mhimu ya vavi ko kiveva kuda? 17 Na kudokudo imani jimonyi, koja jilaode iruda, inyipie. 18 Bado mdu fulani apedima naambe, " Nyingwe uga, na inyi gaode urudi." Ngenaghorosana imani yapo bila iruda, nanyi gapekuoroja imani ya kwako ko iruda jakwa. 19 Vaamini mekoja kuode Mwele umu; uodi loi kake majini navo vakenaamini ikiyo naidedema. 20 Loi, yuri manya, igwe mdu utamode, kudi ambayo imani iyo ilaode iruda jilapeva? 21 Loi, chi papa adu Ibrahimu yeleitaliwa loi ko iruda elemufuna mwanake Isaka ue ya mlha? 22 Mkenaona kee imani jake ileutika uya na iruda jake, na ko irudajake, imani yake ileshika ikusudinyi jake. 23 Maregiyo vaigiye chakuduvakenadeda, "Abrahamu emwamwamini Makilunga, na kaitaliwa kee nyi nyaode loi." Ikio Abrahamu nyelediirwa mongo o Makilunga. 24 Mona kee ko inda mdu alapeilaliwa loi, na ise ko imani tu. 25 Ila yikudokudo, loi, ekeri Rahabu uja malaya aleitalwa loinyi, na iruda jileonekana ko vajumbe na nevadamidia ko baraba ugi? 26 Ko mekoja kee chakudu osese ulemeve na goo memepa, kudo kudo imani ilaode iruda imepa.