1 Nyi ko kitevi Kristo alejininga uhuru matika jive huru. Kudo, imkenyi necha nama mladwe kaviko kongwa ja udumwa. 2 Lambwa, Inyi Paulo, nganembienyi ke ikava mpedinwa, Kristo ngikyoapepata ko mlunganwa wowose uja. 3 Kavi, ngana mdedya kila munduo vomi adinnywa ke nyainyarye narunde ko sheria yose. 4 Mokembwa kwacha na Kristo, vaja vose "vaitwalwa loi" ko sheria. Mogwa kwacha na mbora. 5 Mekoje ko mlinganwa o Ngoo, ko kidikyo jivedeje ikarija ja loi. 6 Ko Kristo Yesu idinwa anauladinwa koode isa jojosepo nyikidikija kineuta uya idya ukundo nyicho ulora kindo. 7 Mokeri muekambia necha. Nyunga alevashingya mlalore nganyikoloi? 8 Iloshwa jo jeuta kudo ubefuma kwake icho anevadikira inywe. 9 Kindo kipesakya kinina nyichenyamara donge jose. 10 Ngaode kyade nainywe ko mudumi ke muekusara ko mlunganwa ungi wowose. Wowose uja apevalembenyi apekudika hukumu yake icho amonyi icho uja. 11 Mwana vama, chakundu une dambukya odedya idimva, ngiki ngakeviniswa? Ko kindo kija kisa nyi kishingo cha msalaba kipedima kinyamarwe. 12 Nyi fuda jakwa ke vaja va songoru vavichwa vapekusana vavenyi. 13 Makilunga amevadikirenyi inywe vana va vama uhurunyi kake mlautye uhuru wanu chakundu mwanya ko osese. Kivari kyake ko ukundo mtaramane inywe ko inywe. 14 Mekoje sheria yose nyashi kyo-ko-amri imu; nyikyo "Nyi lasima umkunde va mrasa wapo chakundu igwe kumonyi." 15 Kake chakundu mkaimadana ejana, kulambwenyike mlakunyamare enywe ko inywe. 16 Ngaamba lee, dambukenyi ko ngoo, nama mpesimarija mafudano va osese. 17 Mekoje osese luode mafudano madue kimbi kya Ngoo, na Ngoo nyode mafudano madue kimbi kya osese. Is shineburuana kila kimu na ungi. Matoke nyi ke mpeuta shindo shija mshifudye ishiuta po. 18 Kake chakundu ngoo anevasongoja inywe, mkeri gwanda ya sheria. 19 Lwaha shija mneshiuta sha osese shionwa. Nasho nyi masingo, uchafu, ufisadi, 20 idasya sanamu, usavi, umoktuva, unangwa, kiriso, iyaka ilusha, iburuana, ilughana, mvavukano o masehebu, 21 ngoo ya ulemi, inangwa, ndakre, na shindo shingi. Chakundu ishi ngamwitanayni inywe, chakundu ngalevaitanava vakuvoka, ke vaja vaneuta shindo chakundu ishi vapelaja umangi o Makilunga po. 22 Kake ndunda ya Ngoo nyi ukundo, sia, uoloru, irimija, mndu alaegheje, ngoo njicha, widikye, 23 usau, na kinina. Koode sheria kimbi kya shindo chakundu isho. 24 Vaja vakeri va Kristo Yesu vausulubisha osese andwamu na shivichwa. 25 Chakundu jipedaya ko Ngoo, kavi jidambuka ko Ngoo. 26 Jilave ve kuitai, jilachokosa ne kila mndu na ongi, nama ulamwade ungi kiriso.