1 Vana va vana, ikava mundu ameadwa ko unyamari, inywe mkeri ko ngoo, murywa mumuri ngye icho mwana-o-vama ko ngoo ya uoloru. Kunu mkekulambwa vavenyi matika mlaregheshwa. 2 Mwirijane milagho, na kudo mpeisisa sheria ya Kiristo. 3 Ikava mundu wowose nya nekwiitai ke cha kigheri nyi kindo po, nyanekulemba amonyi. 4 Kila umu naneng'ene uya wake. Alafu apeva na kindo icho amonyi kye kwitai, amonyi na wowose. 5 Kitevi kila mundu peria mlaghoake amonyi. 6 Mundu aloshwa kidedo lasima na mdure shose shicha mlosha wake. 7 Mlalembwe. Makilunga esalatu epo. Kija mundu apekivaja, nikyo apekisambwa kavi. 8 Uja apevaja mbeu ko kimbata kyake kya sambi apesambwa unyamari, kake icho apevaja mbeu ko Ngoo, apesambwa moo o ndarasi ifuma ko Ngoo. 9 Jilalemwa ko iuta mecha, kitevi ko kigheri kyake jipesa mbwa koja filapelegha ifuda. 10 Ikyo lwaha, kigheri jipeva na mwanya, jiute shicha ko kila umu. Jiute shicha shifye ko vaja vakeri numbenyi ko mwidikijo. 11 Lambwenyi uduwe o baruwa ngelesireghya ko koko kokwa ngimonyi. 12 Vaja vauri inta mecha ko ilambuja ja osees nyive vaode ivaitikya mdivwa. Vaneuta kudo ko kitevi valaingye iviniswa ja msalaba o Kristo. 13 Kitevi ata ivo vadimwa vane iyada sheriapo. Kivari kyake vauri inywe mdinwa matika mdime kukwitai njosese sanu. 14 Ilafumye ngikwitai kipeva nyi msalaba o Mndumi odu Yesu Kristo. Nyi ko icho orika nyosu lubiwa kokwa na inyi ko orika. 15 Mekoje kodeke naudimwa ana uladimwa ke nyi kindo. Kivarikya ke ushao muhya muhimu. 16 Ko vose vapedamia ko kanuni ii vave na uolovu na mbora ive uyeyavo vose, na uye ya Israel o Makilunga. 17 Fuma lwaha mundu wowose alangitame, mekoje ngakudikye chapa sa Yesu osesemji lokwa. 18 Mbora ya Mndumi odu Yesu Kristo ive na ngoo sanu, mwana vama. Amina.