1 Nganeamba mwanadamu mrithi nyi mwana, aode tofauti na mdumwa hata kama mmiliki o mali sose. 2 Ko kitevi, nyakeri gwanda ya uangalizi o vadhamini mpaka okati ulederwa na papa wake. 3 Naise chakumbu jekeri vana, jileadwacha vatumwa va kanuni sa kuvoka na orika. 4 Kake mda uja ukashika, Makilunga kamuduma mwana, eleshajwa ko mkauja, kashajwa gwanda ya sheria. 5 Nyeleuta kudi ivakomboa vaja vekeri gwanda ya sheria ili vapokee iza cha vana. 6 Ko kitevi inywe vana, Makilunga kamuduma Ngoo o vana numbeyi ko ngoo sanu, Ngoo inedikirwa, "Abba, Papa." 7 Kokitevi igwa mdumwa kavipo bali mwana kakire mwana basi igwe nyi mrthi iidia ko Makilunga. 8 Hata mfuri, mlamemumanya Makilunga, mvekeri vatumwa, ko vaja valaode asili sa miungu kabisa. 9 Kake luaha mmuichi Makilunga, na isejiichikye na Makilunga, ngiki mneuyakavi ko kanuni sa dhaifu sake sa kuvoka na silakeri sa thamani? Mriva vadumwa kavi? 10 Mneada ko uangalifu mfuri maalumu, miandamo ya mori, na kigheri na miaka. Nganeogwa ko ajili yanu. 11 Nganeogwa ko namuna iya ngelejisumbua maana. 12 Bali mlemanya kokitevi kya ugojwa osese okwa ngakavahubiria injili kwanuko mara ya kuvoka. 13 Bali mlemanya kokitevi kya ugojwa usese okwa ngakavahubiria injili kwanuko mara ya kuvoka. 14 Ikava hali iya ya usese ilevakera ijaribunyi, mlengi menapo na mlengiledhapo. Badala yake mlengipokela cha malaika o Makilunga, chakundu ngekeri Kristo ngimonyi. 15 Ko ikyo, nguku ikeri sia yakwa? ko ikyo nganevashuhudia kwanu kama kipedima, mngikuruje mecho vanu ne ingininga inyi. 16 Kudo luaha, ngamevo adui yanu kokitevi nganevavia loi? 17 Vakevashigha ko pinya, na ko mauchapo. Vauri ivatenganisha inywe na inyi ili mvavadie. 18 Nyi maucha daima iva shauku kokitevi shilisho shicha, na nyiwakati umu ngevekeri anduamu na inywe. 19 Vana vakwa vanina, nganevaviwa na uchungu ko ajili yanu tena mpaka Kristo naingiye numbenyi kwanu. 20 Ngevefuda ngidamie aja anduamu na niywe luaha nganegeuza iru yakwa kokitevi ngao de mashaka uye yanu. 21 Ngivienyi, inywe mnetamani iva gwanda ya sheria, mneichwa cha kundu sheria ikeride dapo? 22 Koikyo ngamaandika kudi Abrahamu nyeveodi vana vavi va ghomi, umu ko mka ujadumwa, na ungi ko mka uja huru. 23 Hata kado uja o mdumwa nyaleonika ko usese tu, bali uja o mka huru nyeleonika ko ahadi. 24 Shindoshi shipedima ielezwa ko itumia ifumbo ja Sinai. Upeona vana ambao nyi vadumwa. lu nyi Hajiri. 25 Luaha Hajiri nyi mlima Sinai ukeri Arabunyi. Unafanamishwa na Yerusalemuya sasa, koikyo mdumwa anduamu na vana vake. 26 Bali Yerusalemu ikeri uye nyi huru, na iitinyiyo mama odu. 27 Ko ikyo imeandikwa, "Orokya, igwe mkaukeri tasa, igwe ulineona. Kava iru ukave na ulodo, ko siha igwe ulaodi uzoefu oona. ko koiyo vana vafuje vana va akeri tasa, zaidi ya vaja va oda mii." 28 Luaha mndodu, o Isaka, inywe nyi vana va ahadi. 29 Kokigheri ikyo mndu uja aleonika ko usese nyalemtesa uja aleonika ko ajili ya Ngoo. Ko luaha kudokudo. 30 Maandiko vaneamba? "Mfume mndumka mdumwa anduamu na mwanamke o ghomi. Koikyo mwana o mndumuka mdumwa aperithi anduamu na mwana o mka huru." 31 Ko ikyo, mndodu ise vana va mndumuka mdumwa, bali nyi va mndumuka huru.