1 Kake manya iki: ke furusa mwisho kupeva na kigheri kyomya. 2 ko kitevi vandu vapiva vekukunda vavenji, vakundye hela, vekwitai, vekwichwa, vaode lai, valaode ngamyi ko vafee vavo, valaode kahoo na vanyamari. 3 Valaode ukundo okibariko, valauridamyako uoloru na wowose, varenge, vailiki, valapedima ikushingya, vaode unangwa, valakundye shiche. 4 Vapeva vakani, vakolongye, vasa vakukundye vakenyi na vakundye shindo sho rokye kuliko imfuda Makilunga. 5 Ko nja vapeva na mbwana ye mkunda Makilunga, kake vapeilegha oru lwake. 6 Kulese na vandu vo. Mekoje vavovangi nyi vomi vanengia ko familia sa vandu ne varengavaka vatondo. Iva nyi vaka vaichunye sambi na wasongojwa nefuda kila kindo. 7 Vaka va vekulosha furu sose, kake too vapedima iushikya umanyio iya loi. 8 Chakundu ke Yane na Yambre veleimka kivari na Musa. Ko olungamwa luvalosha va vavongo keimukana kivari na loi. Nyi vandu vanyamarikya ko shisaro shavo, valaidikijwa kitevi kyaidikija. 9 Kake vapeanda kwacha po. Mekoje utondo wavo upederwa kwarye ko vandu vose, chakundu okeri na vandu vaja. 10 Kaka igwe nyelevadya uloshwa okwa, idambukijakwa, makusudi vakwa, iadija jakwa, irimija jakwa ikunda jakwa na ucha okwa, 11 iviniswa, ivavywa na shilengya da kuja Antiokia, Ikonio na Listra. Ngalerimija iviniswa. Mndumi nyelekira koshosesho. 12 Wose vauri iishi ko maisha vemkuda Makilunga ko Kristo Yesu vapeviniswa. 13 Vandu vanyamari na vaongo vapeva anyamari chee. Vapedesa vengi. Ivo vavenyi vapedeswa. 14 Kake igwe, damya ko shindo ukuloshe na idikija. Ko uhaki mekoje uichi nyokulosha kwau. 15 No ichi kefuma umwana wapo nyulevamanya mireghi mweghe. Iva vapedima ikulosha ko kitevi kya ikirwa ko olunga nwa lo idikya ko Yesu Kristo. 16 Kila kireghwa jivikywa mwomwa na Makilunga. Jipeva ko malosho vaode ngesa, ko ishawishi, itobira ikosa, na ilosha ko loi. 17 Iki nyike mundu o Makilunga nave ashikye, akeri aningya shindo shose kokitevi kye uta uya mcha.