Mbwana ya 2

1 Ko ikyo igwe mwanakwa, urungwa oru ko mbora ikeri ngonyi ya mkira Yesu. 2 Na shindo uleshiichwa kokwa kati ya mashahidi vafoje uvanengwe vandu valoi ke vapedima efundisha veingi. 3 Enda eteswa ondyamu nainyi kee askari mucha o mkira Yesu. 4 Kode askari aketumika kigheri kyo aneuta uya ungi okawaida sikuisipo ila nampendezeshe mdue wake. 5 Kake mndu kalemana ke apekambwa apenengya itayipo elemeshindane kake kovadya sheria. 6 Nyi Lasima ke mukide aode juhudi apevaokuvoka eadija kando kyake. 7 Kusare ke nganekideda ke mndumi apekuninga emanya shindo sase. 8 Mlavadime Yesu mkira, kenyi ushao oDadudi, ke nyeleruswa efuma ko varimu, iki nyihana na kidedo kyakwa kwa Injili, 9 kokitivi ikyo ngana vinisw nepungwa nyororo cha mpungu. Kake kidedo kya Makilunga kipepungya ko mnyororopo. 10 Ko ikya nganarimija shindo shose kokitevi kya Makilunga amvasambura kenavo vapate wokovu o Mkira Yesu onduamu na ukuuo ndarasi. 11 Kidedo ki kyeaminike: "Jimepe unduamu nacho, jipedamya onduamu nacho kavi, 12 kake jikarimija jipetuwala onduamu nacho, kake jikamlegha icho, nacho nyapejikana ise. 13 kokire jilapeva valoi icho iapeva oloi icho apedima ekulegha amonyipo. 14 Endelea evakumbura uyeya shindoshi. Itokana nakyo kode unyamari ko waja vakenea danya. 15 Uta parapara ekulora ke umeidikijwa ko Makilunga cha mutauya alaode kitivi kyelalamikya. Udede kidedo kya loi ko uloi. 16 Jikembe na shidedo sha orika, koikyo shinaongerija uvichwa munu munu. 17 Shidedo shavo shipetughanyika cha kidonda ndugu. Kati yavo Himenayo na Fileto. 18 Iva nyi vandu valekosa uloi. Vanamba kee ufufuo umeshi kya vanepulusa imani ya vandu baazi 19 Ata kudo, msingi imara oMakilunga upeimka, wode shiregho shi, "Mndumi ngavaichi vakeri vake na uja apejidikira rina ja Mndumi ko ikyo nakusambwa na." 20 Kee numba ya omaso, chio yodo shombo sha dhahabu, na shaba tu. kake nakode shombo sha shidi na sha maifu. Baazi ya ishi nyikokitevi kya matumizi vanganyi na baazi yake nyikio matumizi valakeri va nganyi. 21 Ko ikyo mndu kakusanja amwonyi ifuma ko matumizi valakeri va nganyi icho nyi kiombo kya nganyi nyelederya kianya maalumu aode faida ko mndumi amederya kouya mcha. 22 Dichenyi ndakire sa usoronji. Mkevadya loi, ukundo na imani, andyamu na vaja vakemdikira mndumi ko ngoo isafi. 23 Kake uleghe utondo maswali vaupusi, koikyo uichi ke upende eleja. 24 Mtumishi o Mndumi apetakiwa nalojepo, kake nyanetukiwa nave aoleje, ko vandu vose, apedima elosha, na irimija. 25 Ko ikyo uvaloshe ko oloja vaja vanamlegha. Lakini Makilunga apedima avaninga msamaha koimanya loi. 26 Upedima epata akili na etalaswa mtegho o mokituva, baada yeva vamadwa nacho kokitivi kya ukundo wake.