1 Nganakuitanava jode ratili oshangunyi lo Makilunga na Mkira Yesu, apeva hukumu varukye na vapije, kokitevi kyerughujwa jake na Umangi wake: 2 Ubiri Kidedo. Uve tayari ko kigheri kipeva na kilapeva. Vavienyi vandu sambi savo udedye, tutanave na koirimya vose na eloshwa. 3 Koikyo kode kigheri kinachake vandu vape iryapo shilosho sha loipo kitevi kyako vapekushighya vakuloshia velosha ikoihana tamaa savo kokitevi iki madu vavo vapeva vamerukutwa. 4 Vapetia eadanya shidedo sha loi, na eghalukya adisi. 5 Kake igwe uve mloi ko shindo shose rimija shiomwe, uta uya ounjilisti timisa uduma yapo. 6 Kokitevi inyi tayari ngamiematija ekemiminiwa. Kigherike kure kokya kimeshikya. 7 Ngashindana ko loi, Idambuka ngamemarija, Imani ngameiringa. 8 Itaji ja loi imevikya kokitevi kyapo mndumi nyanehukumu ko loi, apenginnga mfuri uja. Ko kwatupo nakovose vakembedaja ko hamu eonekana kwake. 9 Jikaze uche kokya ovinti. 10 Ko kuwa Dema nyalengitija. Nyaukundye orika olwaha amekwenda Thesalonike, Kreseni nyaledambuka Galatia, na Tito nyaledambuka Dalmatia. 11 Luka tu ncho akeri onduamu. Mwirye Marko uche nacho ke icho nyomuhimu kwakwa kitevi kya huduma. 12 Ngamemduma Tikiko Efeso. 13 Ijoho jija jiletiwa Troa ko Kapro, andu apecha apejiende onduamu na shitabu shija sha njoni. 14 Alekizanda msanja chuma nyele ngiutya mavichwa wafoje. Mndumi apemlipa elingana na matendo vyake. 15 Naigwe ukulambwe nacho amunyalelengha shidedo shedu. 16 Katika ejitetea kakwako ko kuvoka kode mndu alemka unduamu na inyipo ko ikyo kila umu nyalingidicha. Makilunga aliva italye mavicha. 17 Kake Mndumi nyaleimka onduam nainyi kangivikya oru ke nainyi kangivikya oru ke naidye kokwa kidedo jilededya necha ko orika vapate eichwa ngalekirya momunyi o Simba. 18 Mndumi apengilesana na shose shivichwe na engikira o ruveli. Mwele uve kwake ndarasi na ndarasi. Ameni 19 Mdikirane Priska, Ake naja na numba ya Onesiforo. 20 Erasto nyaledamya ipo Korinto, kake Trifimo ngalimtia Militoni akari nyalue. 21 Uta upesi uche kigheri kya mbeho. Eubulo nganakudikira, na Pude, Lino, Claudia na vandanu vose. 22 Makilunga nave onduamu na ngoo yapo, Mbora naive naigwe.