1 Kwa ikyo, kitevi jode uya nachakundu jileyadija mbora, jipeuya numapo. 2 Kitevi kyake, jilegha njia sose sa sonu sikurikye. Jinedamya kounangwapo jinejiutwa ovichwapo kidedo kya Makilunga idamada dhikeri shaloi, jina kulora vavenyi ko ngoo ya kila mndu ushangunyi o Makulunga. 3 Kake mekoja injili yedu nyikwikye, nyikurikye ko vaja tu vakenendaka. 4 Kake esambura javo Makilunga o rika ichu nyavapara urongo wavo silaneidikya. Vake vapenda eona kirangaro kija injili ya umwele o Kristo, icho nyiofano la Makilunga. 5 Koikyo jinakuamba jivenyipo, ila nyi Kristo Yesu Mndumi, naise vavenyi cha vadumwa vanu kokitevi kya Yesu. 6 Ko kyo Makilunga icho ncho alededa, ''Mlangoro upetengara ifuma momenyi.'' Nyalelangaro katika ngoo sendu, efuna kilalangaro o orengolo mwele Makilunga katika eva Yesu Kristo. 7 Koikyo jode hazina i katika shirambo sha maifu, kinesa imanyike ke pinya nduwe munu nya Makilunga na nyedupo. 8 Jinapurukana ko kila kindo kake jina banwa. Jinaona wasiwasi kake jipeuya numapo. 9 Jinaviniswa kake jinetiwapo jinakumbwa wanda kake jineaghapo. 10 Furi sose jinakudika ko osese lodu kipu kya Yesu, kimatika moo o Yesu uwonwa katika osese lodu. 11 Ise jirukye furi sose jimefumwa ipa kokitevi kya Yesu, kimatika moo o Yesu uonwa katika osese sedu savandu. 12 Kokitevikyo, kipu kinautika uya ngonyi yedu kake moo nyunauta uya ngonyi kodu. 13 Kake jode ngoo iyaiya imani ihana na kija kilereghwa: ''Ngaleidikija nakudo ngakadeda.'' Ise kovi jipeidikija na kudo kavi jipededa. 14 Jiichi kee alemrusa Mndumi Yesu apejirusa naise o nduamu nacho. Jichi kee opejiende ise o nduamu nainywe eva jake. 15 Kila kindo nyi kokitevi kyanu kimatika kadiri ya mbora inadungana ko vandu vafoje, kaho sifoje ongerijika ko utakatifu o Makilunga. 16 Kudo jipeuya numapo. Mekoja ko njajinalemwa, kake kondani jinarundya uhya furi ko furi. 17 Ko kigheri iki ukiva, o ivanyi vafafahye kinajielera ngughucha ise kokitevi kya undarasi urije uwele uidye shipimo shose. 18 Koikyo jinelambwanapo kokitevi kya shindo shikeneonwa, kake ko shindo shilakeneonwa. Shindo jinadima eshiona nyi shakigheri tu, kake shindo jilaneshiona nyi shandarasi.