Mbwana ya 3

1 Ale, jimevooka ikutata jivenyi? Juuri mregho ya ukudiwa kwanu ana ifuma kwanu, cha vandu vaitele, ale juuri? 2 Inywe mvenyi nyi mregho odu o akundwa, ireghiwa ngoonyi sedu, imanyikye naisomwa na vandu vose. 3 Namakulora kee inyeve nyi mregho ifuma ko Kristo, ulefunwa na ise. Ilereghwa chi ko wenopo kake ko ngoo ya Makilunga arukye. Ileghiwa uye ya kimbau kia maghopo, kake uye ya shibao sha ngoo sa vandu. 4 Naiu ncho omiri jiuode ko Makilunga iidia Kristo. 5 Jikutingidi jivenyi ishigha kyokyosepo ifuma kodu. Baadalake, iting'ide jedu jinefunia ko Makilunga. 6 Nyi Makilunga alejivika jidime iva vatumishi va agano jihya. Iki nyi agano chija mreghopo kake ja ngoo. Kimekoja mregho ucheagha kake ngoo ichefuna iruka. 7 Lwaha uya o kipu iya ibachwa ko itonia uye ya magho nyilecha ko utukufu kee vandu va Israeli vale la mbwapo cheepo o shangunyi lo Musa. Iki nyi kokitevi ya utukufu o oshangu lwake, utukufu uja ukifia. 8 Ale, uya ongoo upeva na utukufu uisie? 9 Kimekoje cha itarama ya udue nyivekeri na utukufu, nyikama kuisie itarama ja haki uise munu utukufu! 10 Nyi loi kee, kija kile utwa utukufu mbele kiode utukufu kavipo ko makene, kokitevi kya utukufu uisie. 11 Kimekoja kokija kyekina ida kivekeri na utukufu, nyi ko kiki kiisie kija kya mfuri ifoje kipeva na utukufu! 12 Kimekoja jiti ng'idie ikyo, jiode omini munu. 13 Jikericha musapo, avikye utaji uye o oshangu wake, kinesa vandu va Israeli valadime ilembwa cheepo ko ene ya utukufu uvejiderije. 14 Kake orongo lwako sepungiwa. Mpaka mfuni utaji uja uja unasighaka uye ya agano ja kala. Ideriwa bwangapo, kokitevi kya Kristo amonyi anafuniwa kwacha. 15 Kake nainu, kieri kyo kyose Musa esomwa, utaji odamia uye ya ngoosavo. 16 Kake mndu kaghaluka ko mndumi, utaji upesemberwa. 17 Lwaha mndu nyi ngoo. Kuode ngoo ya mndumi, kuode dule. 18 Lwaha ise jose, andu amu shamu sila vikiwa utaji, uchiona utukufu o mndumi. Jipe itachwa iposhi kolambwa uja uja o tukufu ifuma shahada imu ya utukuku ienda ingi, chakundu kikeri ifuma ko mndumi, na cho nyi ngoo.