1 Jiichi ke chakundu kanyi ko ruveu jichedamya ipo vananyamarwa, jiode numba ifuma ko Makilunga. Nyinumba ilapetobirwa ko maokova mwanadamu, kake nyinumba ya ndarasi ko ruveu. 2 Mekoja numba ii jinalua, jifudye irarikwa ko kanyi kodu ruveu. 3 Jaifudya kokitevi ko irarika jipeonwa jikeri duhupo. 4 Ko uloi kigheri jikeri numbenyi ya numba ii, jalua jinelemejwa. Jiuri ifunapo. Kimatika kyake, jiuri jirarikwe, kimatika kija kikeri kimepa kidime merwa na moo. 5 Uja elevaka kokindo kii ni Makilunga, ise ngoo cha kiaga ya kija kipecha. 6 Ko kyo mve na itingide furi sose. Mve na meso kigheri jikeri kanyi katika usese, jikeri kwacha na Mndumi. 7 Mekoja jinadambuka ko imani, chike nyi lambwa. Ko ikyo jitingidye. 8 Na keba jive kwacha ifuma ko usese na kangi kimu na Mndumi. 9 Ko ikyo jinauta ko ilengo jedu, chakoja jikekeri kanyi ana kwacha, jimworokye icho. 10 Ko kija vose lasima jionwa ushangunyi lo kitiri kya hukumu kya Kristo, ilike kila umu nadime iyadija kija kinamwinyari ko shindo shile utika katika usese, ikava nyi ko ucha ana ko ovichwa. 11 Ko ikyo, ko imanya uwoghu o Mndumi, jina vaghalusa vandu. Chakundu jikeri, inalora mbenge na Makilunga. Ngaichi ke mnamanya kavi ko idhumuni janu. 12 Jiperegheshapo ivaghalusa inywe kairi ifuma ise cha valoi, Kitevikyake, jinavanighya inywe kitevi ye jifuna ko ajili yeu, ili ke mdime iva na ijibu ko vaja vanekufuwa futwa ko iyonwajavo kake kija kikeri ngonyi ya ngoo. 13 Mekoja ikavava jimetolwa na urongo, nyi ko kitevi kya Makilunga. Na chakoja kijekeri na urongo lodu lucha. Nyi kokitevi kyanu. 14 Kokija ukundo lo Kristo unajishangaza, kokitevi jiode uloi na iji: ke mndu umu elepa kokitevi kya vose, na kokyo vose velepa. 15 Na Kristo elepa ko kitevi kyedu vose, ili ke vaja vanadamiya valadamiye kavi kokitevi kyavo vavenyi. Kitevi kyake, nyioru vadamiye kokitevi kyake icho elepa ne ruswa. 16 Kokitevi iki, ifuma lwaha na furi jingi jipe mpunga mndupo ihiyana ufoje o vandu mekoje iho kuvoka jilemlambwa Kristo cha kudi. Kake lwaha jipe mpunga vovosepo cha kudi kavi. 17 Ko ikyo, ikva mndu yoyose nyakeri ngonyi ya Kristo, icho nyikiyumbe kihya. Shindo sha kala shimeida. Lambwa vamera mahy. 18 Shondo shose shi shafuma ko Makilunga. Elejikundanisa ise amonyi iidya Kristo, ne jiningya huduma ya ikundaniso. 19 Kudo nyiamba, katika Kristo, Makilunga anaukundanisa ruveu kwake amonyi, chi ke nyitala unyamari avo uye yavo. Anadera kodu kidedo kya ukundaniso. 20 Ko ikyo jinasamburwa ch vatimisi va Kristo, ili ke Makilunga ekeri anauta rufaa iidya ise. Javavia inywe kokitevi kya Kristo: ''Mkundaniswe ko Makilunga!'' 21 Elemuuta Kristo iva sadaka kokitevi kya sambi sedu. Icho nyicho eleuta sambipo. Eleuta kudu ili jidime iutika loi ya Makilunga katika icho.