Sura ya 9

1 Niarera keni hena Kristo, thiarera mongonyi na thamiri yakwa ichishuhudia hamwi na inyi hena mbeho aelie, 2 ku haghire iya ngoo vyasi na ivaviwa lirachithia hena ngoo yakwa. 3 Ku nighetamani inyi injeka nilaaniwe na itengwa kua na Kristo vundu fwa veru vaya va mbare yakwa hena mwiri. 4 Vo ni Vaisraeli. Vake hena hali yefanyika vana va utukufu wa maaghano, na thawadi ta sheria, imuabudu Ruva na ahadi. 5 Vo vathongorie handu Kristo achie kwa shima igheraa mwiri u, ewe nge Ruva wa fyoshe. Nawe athifiwe telele. Amina. 6 Mira thi ku ahadi ta Ruva tindelema itimiato, mana thi kila nnge muisraeli ni muisraeli halithi. 7 Thi kwio hata kwa mbare ya Abrahamu ku ni vana vakwe halithi. Mira, "Miria Isaka mbare yake ichiilaghwa." 8 Iki niku vana va mwiri thi vana va Ruvavo. Mira vana va ahadi vachilolewa ku nivo mbare. 9 Mana iki nikyo kirero kya ahadi: "Hena majira tha igha nacha, na Sara aghira mwana." 10 Mira thi ikyo du kyo, mira baada ya Rebeka itika mda kwa mndu umwi, Isaka ndio weru- 11 ku vana valeko vaghirwavo na aranahira kyokyoshe kicha kana kivichwa, kimetha ikusudi ya Ruva ifumana na ithaghua limke, wala thi kwa mihiroyo, mira ni kwa thababu ya uya akyailagha. 12 Kilereriwe kwakwe, "Ku mrwe amtumikia mdu." 13 Fundu kileandikiweng'u ku: "Yakobo nilemfurie mira Esau nilemdahie." 14 Hena ikyo luvaha fughambe iki? Haghire vuvichwa kwa Ruva? Hai. 15 Kwaku aleghambie kwa Musa, ku ''namrehemu we namghiria rehema, na namhurumia uya na mhuruma." 16 Hena ikyo ng'u thi kwa thababu ya uya akyashighawe mira ni kwa thababu ya Ruva achirora rehema. 17 Kwaku maandiko ghaghambie imhuthu Farao ku "Kwa ikuthudi ili maalumu nilekutire kimetha nirore nzinya takwa hena iwe kimetha rina yakwa litangathwe hena ithanga yoshe." 18 Hena ikyo ng'u Ruva achighira rehema kwa wowoshe amfurie, na uya afurie imghaluta mkaidi achimghaluta mkaidi. 19 Luvaha kwanjivia, "Haniki luvaha bado akyavona makotha? Ni unga airima ikikela kikundire kyakwe?" 20 Kinyume kyakwe, iwe mwanadamu, ku i kwa jibu kinyume kya Ruva? Kyairima iva ku kindo kivumbiwe kimvie mghekivumba ku haniki kunjivumbie kwii?" 21 Mghembhumba aghirewe haki yeamua ibhumba kwa ibhumba kyombo kya matumithi maalum na kwa ibhumba lia lia ubhumba kyombo kya matumithi gha kila mfiri? 22 Ni kwia kole Ruva, aghire utayari lwerora iding'a yakwe na irora nzinya takwe alestahimirie kwa ufumilifu lufikie fyombo fya idinga fileandaliriwe kwa ikondwa? 23 Ni kwia kole alehirire kwii kimetha arore utukufu lwakwe kaghu ya fyombo fya rehema alefiandarie fundu fwa utukufu? 24 Ni kiwia kole alehirire kwii pia kweru ambaye pia alefuileghe thi ifuma kwa vayahudivo, mira ifuma pia kwa vandu va mataifa? 25 Fundu aghambie pia hena Hosea: "Navailagha vandu vakwa therele vandu vakwa na mkunde wakwa mndu aralefuriwe. 26 Na kyacheva ku haya kighambiwe kwavo ku, 'Imwe mu vandu vakwamwe,' iho vacheilaghwa 'vana va Ruva akei." 27 Isaya akyafugha ihusiana na Israeli, "Kole itaro ya vanairaeli liveeke tha mthangalala wa bahari, ni mabaki du gha vaya vakyaokolewa. 28 Kwaku mfumwa akiondoa kirero kyakwe kaghu ya ithanga mapema kangi kwa utimilifu. 29 Na fundu Isaya alethongorie irera, "Kole mfumwa wa majeshi aralefuregheria mbare fundu fweru, fuvera tha Sodoma, na fughefwanana na Gomora. 30 Hena ikyo luvaha fughambe iki? Ku vandu va kiithanga varalechikasha haki valeipatie haki kwa muitikijo. 31 Mira Israeli alekyaikasha haki aleifikiriewe. 32 Haniki there kwio? Kwaku vaikashire kwa muitikijovo, mira kwa mihiro. Valekutunie hena ighwe yekutuna, 33 thafundu kileandikiweng'u ku, "Lolea nderava ighwe yekutuna hena Sayuni na ighamba yekothea uya ambaye aitikija hena ili araghwawe."