Sura ya 10

1 Weru nia ya ngoo yakwa na maombo ghakwa kwa Ruva ni kwa vundu vwavo, vundu vwa ikirwa yavo. 2 Kwa ku nnamulighia mma ku mughire juhudi kwa ajili ya Ruva, mira thi kwa vundu vwa imanya yenyu yo. 3 Kwaku muichimwe kweri ya Ruva, na mmwashigha iagha keni yenyu mweka. Vavurire utii kwa keni ya Ruva. 4 Kwaku Kristo niwe akolokie hena sheria kwa ajili ya keni ya kila mndu aitikijire. 5 Kwaku Musa achiandika ihusu haki ngeyo ichicha ifumana na sheria: "Mndu ngewe ahirire haki ya sheria aishi kwa haki ii." 6 Mira haki ngeyo ikyafumana na mwiitikijo ichirera kwii, "Kunaghamba ngoonyi kwapfo, 'Niitho apaa ighenda kaghu kwa Ruva? (Iki ni ighutha ngatho ya Kristo). 7 Na kuna ghamba, 'Niitho aghara hena ishimo?" (Kwii ni imfunya Kristo ifuma kwa ngoma). 8 Mira ikya rera kwia? "Kirero kike haghwihi na iwe, hena mumu wapfwo." Ikyo ni kirero cha muitikijo, ngeyo mfwalitangatha. 9 Kwaku kwa mumu wapfwo nkwamkiri Yesu ku ni Mndumi, na iamini ngoonyi kwapfwo ku Ruva alemfufurie ifuma kwa ngoma, kwa kia. 10 Kwaku kwa mo mndu achia mini hata ipata haki na kwa mumu achirera na ipata ikirwa. 11 Kwalia iandiko riyarera, "Kila aitikijire akavonewe ivaghwa.'' 12 Kwaku haraghire tofauti ya Myahudi kana Myunani. Kwa lia Mndumi ni wiawia ni Mndumi wa voshe, na nimthuri kwa voshe va mwiiti kijire. 13 Kwa lia mndu achiilagha rina ya Mndumi, achikia. 14 Kwa njia njiki vairima imuilagha itho varanamuiti kija? Kwa njia njiki vairima iitikija hena we ngewe vara na muichwa? Na vaichwa kwiya varanahubiriwa? 15 Kwa njia njiki vairima ihubiriwa, thereku varumiw? Thafundu heandikiwe nikicha kwia marende ghavaya mvwatika mburi njicha ya findo ficha!" 16 Mira voshe wandeichwa ro injili kwaku Isaya achirera, "Mndumi nii achue mburi teru?" 17 Hena kwiyo mwiitikijo uchicha kwa iichwa, na iichwa kwa kirero kya Kristo. 18 Mira nnarera, "Kula wandei chwavo?" Keni kwa keni mnu. "Irwi yavo lindethia ifuma bwanga hena ithanga yoshe, na virero vindeghenda mwisho wa ithanga." 19 Ikela fyoshe, nnarera, "kula Israeli anamanya we?" Ivoka Musa arerie, "Navachokotha ivaingira hena funu kwa vandu there vaithanga. Kwa njia ya ithanga liraeleriwe nadhumi jira mpaka mupfwukwe.'' 20 Na Isaya aghire nguju mnu na achirera,"Nilevonekenie ni vaya ngevo varalekanji shigha. Ngavoniwa kwa vaya ngevo varavekya njishigha." 21 Mira kwa Israeli husema, "Mifiri yoshe nigholile mavoko hakwa kwa waraghire idua na kwa vandu warachiitwa."