1 Basi narera, Ruva alevaleghie vandu vakwe? Hata kadu. Kwalia inyi nanyi ni Muisraeli, wa mbare ya Abrahamu, aghiriwe kwa Benyamini. 2 Ruva avaleghiewe vandu vakwe, avaichi too kala, kula muichi mwe kirero kighambie iki ihusu Eliya, fundu amlombie Ruva kaghu ya Israeli? 3 "Ruva, vandevavwagha maadui ghapfo navo vandetenya mathabahu ghapfo. Inyi njeka nireghiwe, nava vayashigha ikiya yakwa." 4 Mirakyo ijibu ya Ruva lyaghamba kwia kwapfo? "Nitunthire hwa vundu vwapfo vandu fiku thaba varayamkavia ndi Baali." 5 Hata kwio igherili ya luvala haghire vareghiwe kwa thababu ye thaghiliwa kwa neema. 6 Lakiva ni kwa neema, thi kwa mihiro yo. kivungi neema ihaveyo he neema. 7 Niki luvaha? Kindo nngekyo Israeli avekyakikasha, akipatie, na vengi vakaongerwa ndhinya. 8 Ni fundu kiandikiwe: "Ruva afunikie ngoo ye pfwa, mitho kimacha vanavoha na marwi kimacha vanaichwa, mpaka ithanyali." 9 Nawe Daudi akyaghamba, "Leka metha ndhavo tive chekecheke, mdegho, thehemu ye kutuma, na helihira iding'a kaghu yavo. 10 Leka mitho ghavo ghavikiwe mma kimacha vanavona. Uvainamishe mighongo yavo mifiri yavo." 11 Bathi narera, "Luvaha vandekutuna mpaka vakawa?" Kinava kwiyo kabitha. Badala yakwe, kwa ihemva yavo, wokovu undefiha kwa vaisanga, kimacha vovoka vavikiwe macha. 12 Luvahaa ikava ikelana kwavo ni vuthuri vwa ithanga, na kole hathara yavo ni vuthuri vwa va ithanga, ni kiathi kiki kilele kyava ikamilika kwavo? 13 Luvaha narera na imwa vandu va mathanga kwa liya nindeva mtume kwa vandu va mathanga ghengi, niyakubahia huduma yakwa. 14 Ngetha namuvikia funu vahe mwiri umwi hamwi na inyi. Ngetha fwa vakira baathi yavo. 15 Ang'u ikava ileghwa yavo ni iirikiya ithanga, ighuhiwa kwavo kyava kwia there ikia ifuma kwa vapfwie? 16 Tha matunda ghevoka ni akiba, ni dundu kikei tha itoghi ya unga. Tha mri ni akiba, fyara fyakwe kathalika. 17 Lakini fundu baathi ya fyara fitemiwe, the iwe kyara kya thakenyi kya mzeituni, ugheialiriwe maghari yavo, nakole ishiriki hamwi navo hena miri ya vuthuri vya mzeituni, 18 kunajithifu kaghu ya fyara. Mira kole kwajithifu, thiwepfo kwa ghenja miri, mira miri iyakughenja iwe. 19 Bathi kwa rera, "Fyara fivetemiwe kimatha niirime ivialiwa hena kitina." 20 Mira ni keni. Kwa ivura miirikilie kwavo vakatemwa, mira iwe ukamka imara kwa thababu ya miirikilie yapfo. kunakufikiria kweka kwa hali ya kaghu munu, mira ovoha. 21 Kwaliya kikava Ruva alekeliwe fyara fya athili akuhurumiawe hata iwe. 22 Lolea, bathi, mihirire mida na vukai vwa Ruva. Kwa ughongo lumwi, vakai vuveke kaghu ya vayahudi vaya vavewie. Mira kwa ughongo lungi, vucha vya Ruva vuducha kaghu yapfo, kole kwaikaa hena vucha vwakwe. Kivungi iwe pia kwatamewa kua. 23 Na kangi, varakaendee hene miirikilie yavo vavialiwa he. Maana Ruva aghire nguju ivavialiahe. 24 Mira ikava imwe muvelemiwe bwang'a muke hene athili mzeituni mwitu, na kinyume kya athili muvialiriwe hena mzeituni uya mcha, ikeleleyo mnu iva vayahudi, ngevo vaketha fyara fya athili iirima ivialiwa he voshi ya mzeituni wavo voka? 25 Hena ikyo veru thiaghighomyi mukamenya ihuthiana na thiri ii, kitha mnava na hekima hena ifikiri kwenyu mweka. Thiri ii niku ugumu ufunirie hena Israel, mpaka ikamiliha kwa vaithanga kukamicha. 26 Kwiyo Israel voshe vaokoka, thafundu kiandikiwe: "Ifuma Sayuni acha mghekira. Avuvutha vuvichwa ifuma kwa Yakobo. 27 Na ii yava ndaghano yakwa hamwi navo, igheri nikamtivatha thambi tavo." 28 Kwa upande umwi ihuthu injili, vandechukiwa kwa thababu yenyu. Kwa ughongo lungi ifumana naithaghua ya Ruva, vandefurwa fundu vwa makaka. 29 Kwa liya thawadi ya wito wa Ruva urachibadilika. 30 Kwa liya ivoka imwe mulemlekie Ruva mirakyo luvaho mundepokea mborere kwa thababu ya iathi yavo. 31 Kwa njia iyoiyo, Vayahudi vande lengha. Matokeo ghakwe niku kwa itokana na huruma mughenjerwe imwe pia mwairima ipokea rehema. 32 Hena ikyo Ruva avapfungie vandu voshe hena ilegha kimacha airime ivahurumia voshe. 33 Fundu ningenjirwe vuthuri na hekima na maarifa gha Ruva tirachiva ilolea hukumu takwe, na njia take tirachimanyika! 34 "Ang'u niitho amanyire nia ya Ruva? Andeva mshauri wakwe? 35 Kana nii wevoka aghemnikie hindo Ruva, Kimacha alihwe he?" 36 Kwa liya ifuma yakwe na kwa njia yakwe na kwakwe, findo fyoshe fikeho. Kwakwe vuve vurwe telele. Amina.