1 Kana mwiichimwe, vandughu vakwa (kwa liya nia gaya na vandu vaichi sheria), iku sheria ichimkia mndu akei? 2 Hena mka aondoriwe apfwungie ni sheria hena mmi wakwe akiva akei, mira ikiva mmi wakwe akapfwa, ava avikikwe huru ifuma sheria ya ndoa. 3 Hena kwiyo, mfiri mmi wakwe akiva akei, ikiva akyaikaa na mmi ungi, ailaghwa mgheshinda. Mira ikiva mmi wakwe akipfwa, ake huru kaghu ya sheria, hena kuyo avawe mgheshinda akiva aikaa na mmi ungi. 4 Hena ikyo vandughu vakwa, imwe kangi mlevie vaghepfwa hena sheria hena iiria mwiri wa Kristo. Indeva kui netha mughire ipfwungwa na ungi, hena we ngewe aghevukirie ifuma hena vapfwie netha fuirime imghiria Ruva ndunda. 5 Kwa liya fukinave hena mwiri, ngwina ta thambi tilevuti riwe hena fiungo fyeru, hena njia ya sheria na iighiria ngoo ya kipfwa ndunda. 6 Mira luvaha funderughu liwa ifuma hena sheria. Vundeipfwia hali iya ilechighenda kinyume kyru. Netha ifwe fughire irumwa hena hali shaa ya mbeho, na thi hena hali ya kala ya andiko. 7 Furere kwiya luvaha? Sheria ni thambi? Hai heri. Hena kuyo, thighemanyi thambi, therekwiyo hena njia ya sheria. Kwa liya thighemanyanyi ighira macha tha sheria iraghererie, "Kunatamani." 8 Mira thambi ighepatie kipengere hena ia amri na ikaende voshi yakwa mbare yoshe yetamani. Kwa liya thambi haraghire sheria ipfwie. 9 Nainyi nilevie nikei hiho kuvoka haraghire sheria, mira nikinache amri iya, thambi ilepatie ikaa, nainyi nikapfwa. 10 Amri iya ngeyo igheende ikia igheghalukie iva ngoo ya kipfwa kwakwa. 11 Hena ikyo thambi ilevonie kapengere hena ia amri na ikanjilemba. Iiria amri iya, ilenjivwaghie. 12 Hena ikyo sheria ielie, na iya amri ielie, kitea na njicha. 13 Hena ikyo iya ngeyo njicha ilevia ngoo ya kipfwa kwakwa inyi? Inava kwiyo hata kadu. Mira thambi, netha ivonekane iku ni thambi ikeho iiria kiya kicha, ileendie ngoo ya kipfwa voshi yakwa. Ii ilevie iku kwa iiria iya amri, dhambi, ilethidie iva mbichwa mnu. 14 Hena ikyo fuichi iku sheria ya kala idungirie ngoonyi, mira inyi ni mndu wa mwirinyi. Nikumbiwe thinyi ya vuthoro fwa thambi. 15 Ang'u ikyo niahira, thiliichi nyi nicha. Kwa liya kiya nikifurue, ihira, thiakihiranyi, na kiya nikidahie, nicho nia kihira. 16 Mira kole nikihira kiya thira kifurie, niairikiliana na sheria ya iva sheria iya ni njicha. 17 Hena ikyo luvaha thi inyi nafsi yakwa niyaahira ikyo, mira ni iya thambi ikei voshi yenyu. 18 Hena kwiyo niichi iku voshi yakwa, iku voshi ya mwiri wakwa, kichiikacho kindo kicha. Kwa liya macha gha kiya kicha ike voshi yakwa, mira thichilihiranyi. 19 Hena kwiyo kiya kicha nikifurie thichihiranyi, mira kiya kivichwa thira kifurie nicho niakihira. 20 Luvaha kole niahira kiya thirakifurie, thi inyi njeka nikiakihira, mira ni iya thambi ikei voshi yakwa. 21 Nindemanya iku, haghire kanuni voshi yakwa ye thagha ihira kiya kicha, mira uvichwa ni kididi uke voshi yakwa. 22 Hena ikyo niainuliwa sheria ya Ruva hena mndu wakwa wa voshi. 23 Mira niavona kanuni ngeyo irafwenene hena fiungo fya mwiri wakwa. Iakava fira kaghu ya kanuni shaa hena kariongo takwa. Ianjivika inyi mateka hena kanuni ya thambi ikeho hena fiungo fya mwiri wakwa. 24 Inyi ni mndu weya ngoo vwathi! Ni itho aghenjikira hena mwiri u ughire ngoo ya kipfwa? 25 Mira niaghamba havache hena Ruva hena Yesu Kristo Mndumi weru! Hena kwiyo. Inyi njeka hena kariongo takwa niaihirira sheria ya Mndumi. Mira, hena mwiri niaihirira kanuni ya thambi.