Sura ya 6

1 Fughambe iki basi? Fuendelie hena thambi kimacha mbora iongereke? 2 Hai. Ifwe fufwie hena thambi, fwairi make kwiya iishi hena iyo? 3 Luvaha muichimwe ku vaya valepatithiwe hena Kristo valepatithiwe hena kifwa kyakwe? 4 Fulerikiwe hamwi nawe iiria upatitho hena kipfwa. lii ilehirikie kimachaku thafundu thafundu Kristo avuthiriwe ifuna kipfwa iiria Papa, ili na ifwe fuirime ighenda vusha vwa maisha. 5 Maana ikiva fuvwaranithirwe hamwi nawe hena mfano wa kipfwa kyakwe, kangi fwavwaranithirwa hena ifufuka yakwe. 6 Ifwe fuichi kwii vundu vweru vwa kala ulethulubishirwe hamwe naye, kimada mwiri wa thambi ukondwe. Ili lilefumirie ili ku funaendelea iva vathoro va thambi. 7 We apfwie afanyirwe iva mwenye keni ianisha na thambi. 8 Mira kole pfufwie hamwi na Kristo, kangi fufwaamiri ku fwaishi hamwi nawe. 9 Fuichi ku Kristo afufuliriwe ifuma vandu vapfwie, na kuthi mndu hewe. Kipfwa kyamtawala hekyo. 10 Kwa mburi ya kipfwa alepfwie kwa thambi, alepfwie kando kamwi vundu vya vandu voshe. Hata kwiyo maisha anayoishi, akiyaishi kwa ajili ya Ruva. 11 Kwa njia iyo iyo, na imwe mwashighwa ihutara ku muvandu vapfwie hena thambi, mira hai kwa Ruva kwa Kristo Yesu. 12 Kwa thababu iyo kunairikia thambi itawale mwiri wapfu kimada uirime itii hamu thakwe. 13 Kunafunya thehemu ta mwiri wapfo ihirira thambi tha fiombo firaghire haki, mira mujifunye kwa Ruva, tha vandu vakei ifume kifwemji. Na funyenyi thehemu tha miri yenyu tha fyombo fya keni kwa Ruva. 14 Munairikia thambi timutawale. Kwalia murahethinyi ya sheria, mira thinyi ya mbora. 15 Niki luvaha fughire thambi kwalia fwake ithinyi ya sheria, mira thinyi ya neema? Hai. 16 Muichimwe ku kwakwewe nngewe mwaku funya mweke tha vahiri niwe ngewe imwe mwava vahiri vakwe, imwe iyamuhuthu imuirania? Iki ni keni hata kole imwe ni vatumwa hena thambi mgeyo iyamutikia ipfwa, kana vatumwa vya utii uatikia haki. 17 Lakini ashuhuriwe Ruva! Kwa liya mulevatumwa va thambi, mira kyo mundetii ifuma ngoonyi mburi iya miirikilie iya munikiwe. 18 Mundwihwa huru ifunywa hena thambi, na mndevikwa vatumwa va keni. 19 Niyarera tha mndu kwa thababu mathaifu gha miiri yenyu. Kwa liya fundu mukufunyire fiungo fya miiri yenyu iva vatumwa kwa uchafu na vuvichwa, kwa vundu ivo ivo, luvaha funyenyi fiungo fya miiri yenyu iva vatumwa va haki kwa ieleshwa. 20 Kwa liya mukinave vatumwa va thambi, mgheke huru kuwa na keni. 21 Kwa igheri iyo mugheghira itunda linga kwa mburi nngetho kwa luvaha mwavona irawa kwato? Kwa lia matokeo gha mambo gho ni kipfwa. 22 Mirakyo kwaliya luvaha mndevikwa huru kuwa na thambi na mndevihwa vatumwa kwa Ruva, mughire itunda vundu vwe eleshwa. Tokeo ni ikya telele. 23 Kwaku maliho gha thambi ni kipfwa, mira thawadi ya vwia ya Ruva ni ikiya telele hena Kristo Yesu Ruva weru.