1 Na luvaha ni faida njiki aighire Myahudi? Na faida yerinwaniiki? 2 Ni kicha mnu hena irira. Kuvokaya vyoshe, Vayahudi vale nikiwe irughuliwa ifuma kwa Ruva. 3 Mira, kyava kwia kole baathi ya Vayahudi varaghendeghira miirikilie? hii irairikilia lyavo lyaghemvika mwaminifu iva wa Ruva wa kinyume? 4 Hai. Kinyume kyakwe, leka Ruva avoniwe niwa keni, hata kole mndu ni mmongo. Fundu kileandikiwe, "Ku uirime ivoniwa ku iwe kuwa keni hena firero fyavo, na urime ikela ukigheingia hena inyanyiriwi. 5 Mera kole vuvichwa vweru uvwarova keni ya Ruva, fughambe kwia? Ruva thimvichwawe akighefunya idin'ga lyakwe hii ake kwiyo? Nnarera kwa iririkana lya kivandu. 6 Hai! Ni namnanjiki Ruva aghelinyanyinia ithanga? 7 Mera kole keni ya Ruva iiria umongo lwakwa lwafunya matumbi ng'ede vundu vwakwe? haniiki bado nna nyanyiriwa tha mgheghira thambi? 8 Haniki funarera, fundu fule irariliwe nafundu vengi vairimishiriwe ku nfwarera, "Fuhire unyamari ilificha fiche"? Inyanyiriwa ni lyakeni. 9 Niikin'gu? mfwakutetea fweka? Hai mnu. Kwaku ifwe fweka mfwamurera imwe Vayahudi na Vayunani voshe handu hamwi, ku muke mbai ya thambi. 10 Kwi ni fundu kiandikiwe: "Haghire aghire keni ho hata umwi. 11 Haghire mndu wowoshe aichiwe. Haghire mndu akya mshigha Ruva. 12 Voshe vaghalukie. Voshe pere vaghire kichavo. Haghire mghehira kichaho, nanga, hata umvi. 13 Mirangi yavo ni tha mbira ike mwaji ulimi lwavo nlwalemba. Thumu ya njoka ike mbai ya munu wavo. 14 Mumu iichuwe laana naivawia ni ngoo. 15 Marende ghavo ghakyarichilia ikuta thakame. 16 Ikondeka lyavo na vwasi vwavovuke hena irira lyavo. 17 Vandu vava vamanya irira lya mborerevo. 18 Haghire iova lya Ruva mothia ya mitho ghavo.'' 19 Luvaha fundemanya ku kyokyoshe sheria iyahira, ichirere na vaye vake mbai ya sheria. Ii niku kila mungu ufwunge, naku ithanga lyoshe lilathimike kwa Ruva. 20 Ii ni kwalia haraghire mwiri waghetariwa kialia kwa mihiro ya kisheria mothia ya mitho ghakwe. Kwaku iiria sheria hachicha imanya thambi. 21 Mira luvaha haraghire sheria ukeni lywa Ruva lundemanyika. Ile shughudiriwe kwa sheria na varoti, 22 ikyo ni keni ya Ruva iiria miirikilie hena Yesu Kristo kwa vaya voshe vairikilie. Kwalia haraghire tofauti. 23 Kwaku voshe vahirire thambi, naipungu kiwa ni vurwe vwa Ruva. 24 Vataririwe keni yadu kwa mborere yakwe kwa irira lyekirwa ike voshi Kristo Yesu. 25 Kwalia Ruva alemfunyire Kristo Yesu ave mghechemba kwa vundu vwa miirikilie hena nzakami yakwe. Alemfunyire Kristo tha ushahidi lwa haki yakwe, kwathabu yereghea thambi thiiria 26 hena irimilia lyakwe. Ifi ryoshe filefumirie kimetha irora keni kwa igheri lya luvaha. Iki kileke kwiyo kimacha irora keni, nairora ku imtarira keni mndu wowoshe vundu vwa miirikilie hena Yesu. 27 Kukekwing'u ikukwera? Kuleghiwe. Kwa mithingi miki? Mithingi ya miikalie? hai, mira kwa mithingi ya miirikilie. 28 Heikyo mfwamalilia ku mndu achitaririwa keni kwa miirikilie haraghire miikalie ya sheria. 29 Kana Ruva ni Ruva wa Vayahudi du? Hii we thi Ruva wa vaithanga du? Iye, kwa vaithanga pia. 30 Kole Ruva ni umwi aghevatariria keni vaya varinue hena miirikilie, na varariniwe kwa irira lya miirikilie. 31 Hii ifwe fwaighalutha sheria kwa miirikilie? Hai! kivungi kyakwe ifwe fwairimisha sheria.