1 Fughambe ikihe hena mburi ya ndio weru wa mwiri we Abrahamu, 2 Mana kole Abrahamu aletaririwe haki kwa mihiro aveghira thababu yekutumbisha, mira thi mothia ya Ruva yo. 3 Kwani maandiko ghakyaghamba kwia?" Abrahamu ale muaminia Ruva na kikatarwa kwakwe ku ni haki." 4 Luvaha kwa mndu akyahira ndima mariho ghakwe ghachitarwagho ku ni neema, mira ni thile. 5 Mira kwa mndu arahirire ndima mira akyamuamini uya akyamtarira haki there wa kiruva mwitikijo wakwe uchitarwa ku ni haki. 6 Daudi nawe alererie baraka ta mndu ambaye Ruva akyamtarira haki bila mihiro. 7 Aleghambie ku vabarikiriwe vaya ambavo fivichwa fyavo firegheriwe na vaya nzune tavo tipfhinikiwe. 8 Abarikiriwe mndu uya ewe mfumwa arakyamtarira nzune." 9 Bathi luvaha baraka ti ni kwa vaya variniuedu kana na kwa vaya varariniwe? Mana fuaghamba ku kwa Abrahamu muitikijo wakwe uletarirwe ku ni haki." 10 Kiletarirwe kwia kwio? Igheri Abrahamu aleke hena irinwa kana aranarinwa? Kiveke hena irinwakyo mira irarinwa. 11 Abrahamu aleghuhirie alama yerimwa. Iu nile muhuri wa haki iya ya muitikijo aleghire kabla aranarinwa. Matokeo gha ishara i ni kuu evva ku ndie wa voshe vaitikijire hata kole vake hena irarinwa. Kina mana ku haki yatarirwa kwavo. 12 Iki pia kiamaanisha ku Abrahamu alefanyikie ku ni ndie wa tohara thi kwa vaya vafumene na tohara dyvo mira pia na vaya valeivaririe mavato gha ndio weru Abrahamu. Na iu nitho muitikijo aleughire kwa varariniwe. 13 Kwaku thile kwa sheria yoku ahadi ilefunyirwe kwa Abrahamu na mbare yakwe, ahadi i ya ku vachwa varithi va ithanga, mira nile kwa iiria haki ya muitikijo. 14 Kwa ku kole vaya vasheria nivo varithi, muitikijo undeva ku ni wa bure, na ahadi indereta mana. 15 Kwaku sheria ichiende iding'a mira haya haraghire sheria pia haghireho iratili. 16 Kwa thababu i iki kichifumia kwa imani kimetha kive kwa neema. Matokeo ghakwe ahadi ni ya wathi kwa mbare yoshe. Na vambare vothi vaya du vaiichi sheria, mira hata vaya va muitikijo wa Abrahamu mana we ni ndio weru ifwe voshe, 17 tha fundu kiandikiwe ku ndekughosha iwe uve ndio wa mataifa mengi." Abrahamu aleke kighari ilya uya amuaminie, yani Ruva ewe achivanika vapfwie ikia na ighavuta mambo gharakeho kimetha ghaveho. 18 Ileka hali toshe ta bwang'a, Abrahamu alemuaminie Ruva kwa mifiri ichie. Hena ikyo akava papa wa mataifa mengi iivaria kia kilereriwe, "Ni fundu mbare vapfho yachwa." 19 We thile mshokeri hena muitikijowe. Abrahamu alekirie ku mwiri wake weka ulepfwieng'u, aleghire umri wa miaka abhwihi ighana. Kangi aleirikirie hali ya ipfwa ya ndenyiya Sara. 20 Mira fundu fwa ahadi ya Ruva, Abrahamu alebabaikiewe na iraitikija. Mira alenikiwe nguju hena muitikijo na alemthifie Ruva. 21 Aleichi kididi ku kiya Ruva aahidie alechiirima pia ifikamilisha. 22 Hena ikyo iki pia kiletarirwe kwakwe ku ni haki. 23 Luvaha kiandikiwekyo du kwa faida yakwe ku kiletarirwe kwakwe. 24 Kileandikiwe kwa ajili yeru pia, kwa valevikiriwe itarirwa, ifwe ambavo fuaminie hena we amfufurie mfumwa weru Yesu. 25 Iu ni uya alefunyirwe fundu fwa makotha gheru na akafufuliwa kimetha fupate itarirwa haki.