Sura ya 15

1 Luvaha ifwe fughire nguju fuashighwa uitika vushokeri vya vaghire vushokeri, na fuashighafwe ikunutha fweka. 2 Kila umwi weru amnulie uya achiikaa haghwi nawe angu ni kindo kicha, hena ilengo yemuagha. 3 Angu hata Kristo akunulithirewe weka. There kwiyo, kyava thafundu kiandikiwe, "Ikonda ya vaya valekukondie lindenjipata inyi." 4 Kwa kyokyoshe kile thongorie, iandikwa kileandikiwe ifurora njia, netha iku iiria irimilia na iiria ivikiwa ikuji na maandiko fugheghira nguju. 5 Luvaha Ruva mgheri milia na wevikia ikuji amunike iva na nia ienene hena kia umwi wenyu ianana na Yesu Kristo. 6 Airime ihira kui hena nia imwi muirime imtumbisha na mumu umwi Ruva na Papa wa Mndumi weru Yesu Kristo. 7 Hena ikyo mghuhienyi kila umwi, tha fundu Kristo alevaghuhirie, hena ngatho ya Ruva. 8 Hena ikyo niarera iku Kristo andevikwa ave mndima wa irino kwa niaba ya ukweri wa Ruva. Alevikie kui netha iku airime idindisha ndaghano tia tilefunyirwe hena vapapa, 9 na hena va ithanga imtumbisha Ruva hena mbora yakwe. Thafundu ngevo kiandikiwe, "Hena ikyo nafunya itumbi kwapfwo maghari ya vaithanga na iimba itumbi hena rina yapfwo." 10 Kangi iarera, "Nuliwenyi imwe vandu va mathanga hamwi na vandu vakwe." 11 Na kangi, "Mtumbishenyi Mndumi, imwe va mathanga ghoshe, imwe va mathanga ghoshe ghamtumbishe we." 12 Kangi Isaya aarera, "Hacheghira na kitina kya Yese, na umwi achevukia irerea kaghu ya vaithanga. Vaithanga vacheghira na ikuji hena we." 13 Luvaha Ruva wa tumaini avaichure na inuliwa yoshe na mborere hena iirikilia, neth ku muirime ikela hena tumaini kuva nguju ta Mbeho Aelie. 14 Kangi inyi njeka nishawishiriwe nimwe, vandughu vyakwa. Nishawishiriwe iku hata imwe mweka muichurwe na vucha, muichurwe na imanya yoshe. Niashawishiwa iku, imwe mwairima kangi ivikiana ndhinya kila umwi na urwee. 15 Mira niaandika kwa nguju ikelele kwenyu hena mburi ya findo vitare netha iva kumbuta he, thababu ya kiugho ninikiwe ni Ruva. 16 Kingho ki nighekuniirime iva mndima wa Yesu Kristo arumiwe kwa vaithanga, ikufunya tha mtathi wa injili ya Ruva. Nighe irima ihira kwii netha ikufunya yakwa kwa vaithanga kuve kundeirikiwa, kundetengwa ni Ruva kwa njia ya Mbeho Aelie. 17 Hena ikyo inuliwa yakwa like hena Kristo Yesu na hena findo fya Ruva. 18 Angu thairimanyi ithubutu irera kyokyoshe there iku Kristo andekamilishwa iiria kwakwa iichwa ya vaithanga. Vindofi vitimithirwe hena kirero na mhiro, 19 kwa nguju ta ishara na firumo, na kwa nguju ta Mbeho Aelie. Ii nile ku ifuma Yerusalem, na ijungulukia kua the Iliriko, niirime iitika bwang'a kena ukamilifu injili ya Kristo. 20 Hena njia ii, nia yakwa indeva iitangatha injili, mira thi handu Kristo amanyikie kwa rinaho, mira ku thina irima iagha kaghu hena mthingi wa mndu ungi. 21 Thafundu kileandikiwe: "Ngevo ku hena we vaghirevo mburi takwe alechie vachemvona, na vaya ngevo varaghemchue vammanya." 22 Hena ikyo nilevie ku niringililiwe kando kengi icha kwenyu. 23 Mira luvaha thighirenyi he thehemu yoyoshe hena mikoa ii, na nindeva nikishigha hena miaka mingi icha kwenyu. 24 Hena kuyo kando koshe nikighenda Hispania, nia tumaini imuvona nikiira na iirima itikwa njia yakwa na immwe, kwaku nindenuliwa vumwi na imwe kwa muda. 25 Mira luvaha niaghenda Yerusalemu ivahudumia vairikilie. 26 Angu kilevanulithire vandu va Makedonia na Akaya ihira mthango maalum kwa vakiva maghari ya vairikilie ipfwo Yerusalemu. 27 Ye, nile kwa ifura yavo na kweri, vandeva vathile vavo. Angu kole vaithanga vandeshiriki hena findo fyavo fya kimbeho, vaalavia navo ivahudumia hena ishigha yavo findo. 28 Hena ikyo igheri nindetimitha findofi na iva na itinishwa wa ndunda ii kwavo, inyi nacheghenda hamwi na imwe ipfwo Hispania. 29 Niichi ku, igheri nikicha kwenyu, nacheche hena ikolosha mbora ta Kristo. 30 Luvaha niamutereva vandughu veru hena Mndumi weru Yesu Kristo na hena ifura ya Mbeho, iku mshiriki hamwi na inyi hena maombo ghenyu kwa Ruva hena mburi yakwa. 31 Lombenyi iku niirime ikirwa ifuma kwavo varaghire na ikudua hena Yudea na iku huduma yakwa ipfwo Yerusalemu iirime ighuhiwa na vairikilie. 32 Lombenyi ku niirime icha kwenye kwa ifura iiria thafundu Ruva afurie, na iku niirime iva hamwi na imwe, nivone ihema. 33 Na Ruva wa mborere ave hamwi na immwe voshe. Amina