1 Nnamunika kwenyu Fibi lumbwia weru, ningewe mhiri wa kanisa ningelyo like keni kerie, 2 kumwairima impokea hena Mndumi. Hirenyi kwiyo kwa kicho kya vagheirikilia, na mumke handu hamwi hena findo fyoshe, nafyo, kangi we weka andeva mhiri ndima wa vengi, hena vundu vwakwa njeka. 3 Mwiirikire Priska na Akila, vahiri ndima hamwi nainyi hena Yesu Kristo, 4 hena maisha ghakwa valeghauni thire maisha ghavo voka nnafunya na havache kwavo, nathinyi dunyi mira kangi hena makanisa ghoshe gha vaithanga. 5 Lyiirikire kanisa lia like kenyi kwavo. Mwiirikilie Epanieto mmbwie wakwa ningewe mgheghirwa wevoka hena Kristo ifwo Asia. 6 Mwiirikire Mariamu ningewe ahirire ndima kwa bidi vundu vwenyu. 7 Mwiirikire Androniko na Yunia, vambwie vakwa na vafungiwe hamwi nainyi ni vamana kighari kya vagherota, vaya vathongone, immanya Kristo kabla yakwa. 8 Mwiirikire Ampiato, mghefurwa wakwa hena Mnduni. 9 Mwiirikire Urbano, mghehira ndima nainyi hena Kristo na Stakisi mmbwie wakwa. 10 Mwiirikire Apele, mgheirikwa hena Kristo. Vairikire voshe vake hena nyumba ya Aristobulo. 11 Mwiirikire Herodioni, mbwie wakwa. Vairikire voshe vake hena nyumba ya Narkiso, ningevo vake hena Mndumi. 12 Mwiirikire Trifaina na Trifosa, vaghira ndima kwa ikathana hena Mndumi, mwiirikire Persisi mmbure ningewe ahirire ndima kwa Mndumi, 13 Mwiirikire Rufo, atethaghuriwe hena Mnduni na mae wakwe na wakwa. 14 Mwiirikire Asinkrito, Flegon, Herme, Petroba, Herma, na veru voshe vakehamwi navo. 15 Mwiirikire Filologo na Yulia, Nerea na lumbwie wake, Olimpa, navairikilie voshe voshe vake hamwi navo. 16 Mwiirikire kila umwi kwa buthu takatifu. Makanisa ghoshe hena Kristo ghakya mwiirikira. 17 Luvava nnamutereva, veru, itafakari vundu vwa vaya vakyaenda ighavika, na fipingamithi mvaghende kinyume na fia tilosherwe mwenikenja iloshwa. Ghalukeni mufume kwavo. 18 Kangi vandu thaiva vamshimhi riravo Kristo Mndumi mera denyi thavyo voka. Kwa irera lyavo ilaini na ivapongetha mongo na vaya varaghire makotha. 19 Kwa mfano weichwa lyenyu mmwamfikia kila umwi. Heikyo nichue kicha vundu vwenyu, mera nnamushigha imwe mughire buthara hena hali ya vucha, nairalamika mothia ya fivichwa. 20 Ruva wa mborere akachelewe we imkava shetani mbaiya tuva thenyu. Mborere ya Mndumi Yesu Kristo ikae hamwi naimwe. 21 Timotheo, mhirindimi hamwi nainyi akyamuirikirie, na Lukio, Yasoni na Sospeter, vambwie vakwa. 22 Inyi, Tertio, nikuandikirie warakalu hena irina lya Mndumi. 23 Gayo, anjituthire na kwa ikanisa loshe nnlya mwiikira Erasto, mghetunza hazina wa mri, akyavairikira, hamwi na Kwarto ninge mmbwie. 24 (Kumbuka: Hena, vyoshe nileandikie mwanzo mstari ukehotho. Lolea Warumi 16: 20. "Mborere ya Mndumi Yesu Kristo iikae naimwe voshe. Amina.") 25 Luvaha kwakwe we aghire nguju yemuvika mumke ianana na injili na iloshe lya Yesu Kristo, ianana nairughuliwa lya kia kithughenwe kwa magheri mengi, 26 mera luvaha kindemivikwa nwaji na ivikwa umanyike na maandiko ghavagherota lanana na amri ya Ruva wa telele, kwaichwa mbora kighari kya vaithanga moshe? 27 Kwa Ruva weka aghire hekima, iiria Yesu Kristo haghire vurwe telele yoshe. Amina