1 Mpokienyi mndu wowoshe ashokere hena imani, bila ifunya inyanyiriwa maririkano ghakwe. 2 Mndu aashigha iachochoshe ungi ni mshkeri aya mchicha (mbogha) du. 3 Mndu aaya findo shoshe ana mtharau wia arachi a findo shoshe (kiyo) na wia araaya kila kijo ana mnyanyiria wia aaya kila kijo kwalia Rubha emipokea shoshe. 4 Iwe kui, nkwa muhukumu mhiri udima wa uroo? Ni mothia ya mthuri wakwe ku amka kana agha. Mira abhutirwa kwalia Mndumi ambhika abhukie. 5 Mndu umwi achithamini mfiri umwi ikela mfiri ungi. Ungi achi thamini mfiri umwi kila mfiri ni thawathawa. 6 Wia achiwara mfiri achi wara kwa thababu ya Mndumi na wia aaya achia kwa thababu ya Mndumi kwalia achimuika Rubha heshima wia araaya, achilegha iya kwa thababu ya Mndumi wenawe achifunya habhache kwa Rubha. 7 Kwa lia haghire achiikaa kwa moo wakwe we haghi reho achiafwa kwa moo wakwewe. 8 Lakini kolemfwa ikaa. Mfwa ikaa kwa ajili ya Mndumi. Nakole mfwafwa ni kwa ajili ya Mndumi. Bathi kole mfaishi kana mfwapfwa bathi fumari ya Mndumi. 9 Kwa lia ni kuthu Kristo alepfwie na iishi he, ku abhe Mndumi wa bhapfwie na bhakirie. 10 Mira haniki iwe rikwa muhukumu wenyu? Naiwe kaniiki nkwa mberesha wenyu? Kwalia ifwe bhoshe mfwa ghemka mothia ya kiphfwumbi che nyanyiriacha Rubha. 11 Kalia iandikiwe, "Fundu ni chiishi," aarera Mndumi, "Kwainyi kila goti yakabha, na kila ulimi wafunya thifa ta Rubha." 12 Heicho kila umwi afunya methabu yakwe weka mothia ya Rubha. 13 Heicho funaendelea hena itenyinana kinyume chakwe amua kwii, haghire athuia hoo au mdegho kwa wabho. 14 Niichi na nndeshawishika hena Mndumi Yesu ku haghire kindo chairima ibha najithi chokacho. Nakwa wia abhona ku chochoshe ni najithi kwalia kwakwe ni najithi. 15 Kole kwa thababu ya kijo wenyu aafwukwa nkwairaphfwa hena ifura kuna mkonda kwa kijo mndu kwaajili ya Kristo afwie. 16 Mnairikia mihirire yenyu micha ikathababisha handu ifunangia. 17 Ang'u bhucha bha Rubha thi kwa ajili ya kijo na inyiva, mira nika keni na inuliwa hena ngoo mcha. 18 Mndu achi hira ndima ya Kristo airikiriwe ni Rubha na airikiriwe ni bhandu. 19 Heicho fuibharie findo fya mborere na findo fyo fichiniagha mndu na ungi. 20 Kuna konda findo fya Rubha kwa thababu ya kijo findo fyoshe ni ficha, mira ni fibhichwa kwawia fichi nithababishia ikutuna. 21 Nikicha kunaya nyama na munanywa njafi wala chochoshe wenyu arakuicha nicha. 22 Imaniti tapho tamadi kiro kutighire tibhike maghari yapho na Rubha. Abarikiriwe wia achi ku nyanyiria weka hena kia akiirikirie weka. 23 Aghire mashaka anyanyiriwe kole aaya kwalia kirafumene na mii rikilie na chochoshe kira fumene na miirikilie ni dhambi.