Sura ya 13

1 Kila ngoo naitii vungi vwa kwa Ruva kaghu, kwaku haraghire vumangi vurafumie kwa Ruva. Na vumangi voshe mvwafuma kwa Ruva. 2 Henaikyo wowoshe akyalegha vumangi itho achilegha irunge lya Ruva; navaya vaghelegha vaghenikwa inyanyiriwa rovoka. 3 Kwa lia vaghemkia varaghire kiovosha kwa findo ficha mera kwa findo fivichwa. Nkwashigha funagheovoha varwe? Hire ficha, na iela nalyo. 4 Kwaku ni mhiri wa Ruva kwafwo vundu vwa ficha. Mera tha kole kwahira fivichwa, ovoha kwalia arakyatika ipanga bila thababu. Kwaku ni mhiri wa Ruva, mgheliria kwa iding'a lyawiaakya hira fivichwa. 5 Henaikyoo mkwashighwa uorohe thikudu vundu vwa idin'ga mera ni vundu vwa thamiri. 6 Kwadu mkwaliha kodi. Kwa vaghire vumangi ni vahira va Ruva, vakyaendelea ihira kindoki. 7 Mlihenyi kila umwi ngekyo mmwala viwa: kodi kwa mghenikwa kodi; ushuru kwa mghelihwa ushuru, iovosha kwa mgheovosha heshima kwa mgheshigha heshima. 8 Munalawi ni mndo kindo kyokyoshe, mera mufurane imwe kwa imwe. Kwalia amfuriye jirani wakwe ande timitha sheria. 9 Kwalia, "Kurakya shinda, kuraka vwaghe, kura kaive, kura kalangwe," nakole haghire irunge lingi kangi ivikiwe hena iki kiandikiwe: "Kwa mfura jirani wafwo thaiwe kweka." 10 Ifura lichimghela jirani wala mndu henkyo ifura ni ukamilifu lwa sheria. 11 Heikyo vundu vwaikyo niichimaghe ku tayari ni maghe ghefuma hena mario kwalia vavichwa veru vandefikia maghe ghaya fuleirikilie ivoka. 12 Kio kindecha, na mthari undecha na fuvike mbarinyi fivichwa vya uma na furae thilaha tha kilanga. 13 Nafunge kindokicha tha hena kilanga thitha ngathu tha uvichwa kana iirwa kangi funaghenda hena zinaa kana hena tamaa irakyava iringi liwa kangi thihena fitina, na funu. 14 Mira fumrae Mndumi Yesu Kristo, wala funavika nafathi hena mwiri kwa tamaa thakwe.