Sura ya 9

1 Luvaha hata ndaghano ya kuvoka ileghine handu ha mtatho iha ithangenyi na mihirire yakwe. 2 Ang'u hena nyumba ya mtatho haleghire kyumba kivikiwe, kyumba kya bwan'ga halechiilawa handu hecha, hena handuho haleghire mnara wa kilanga, metha na mikate yerora. 3 Na nyuma ya ikunya lya kari haleghire kyumba kingi, haleileghwe handu hecha mnu. 4 Haleghire handu hetathia hathahabu yefukijira ubani. Na haleghire ithanduku lya mma, lileaghiwe na thahabu du. Voshi yakwe haleghire bakuli ya thahabu ioure mana, ndata ya Haruni ivukie mara, na mbao thia tha mawe gha ndaghano. 5 Kaghu ya ithandungu lya ndaghano fani ya maserafi marwe vashikirie makungo ghavo mothia ya kifyumbi kyechembeana, an'gu kwa luvaa ikirerea kwa ukeni. 6 Baada ya findofyo ivikwa nicha, maghetatha valechiingia hena kyumba kya bwang'a handu hethangania na ifunya huduma thavo. 7 Mera mghetatha mrwe avechiingia kyumba kya kavi kyoka kila mwaka, na haraghire ileka ifunya ito ya Ruva vundu vwake du, nathambi tha vandu vathihirire kwa iramanya. 8 Mbeho mcha akyashuhudia kwiyo, irira lyahandu harwe mnu hanavikwa mwajiho kwalia ikunya lyia lyevoka limki. 9 Iki ni kielelezo kya igheri lya luvaha. Vyoshe ni zawadi na ito ya Ruva ningefyo nfyafunya thamiri kwa mghetatha. 10 Na fijo na fyenywa fyoka vithanganyirwe hena utaratibu lywefathia na iela. Fyoshe nile utaratibu lywa kimwiri filevikiwe kimacha iche sheria njicha. iyaghevikwa handu hakwe. 11 Kristo alechie tha mghetatha mnwe wa findo ficha ningefwo fichie. iiria vurwe na vucha vwa handu hethangania harachembiwe kwa mavoko gha vandu, there vaithangali alivumbie. 12 Thile kwa damu ya mburiyo na ngache, mira nive kwa damu yakwe Kristo aleiingirie handu hethangania kwakila mwaka kamwi, naifuhakikishia ikirwa lyeru lya telele. 13 Kole kwa damu ya mburi na njaghu naikutiwa maifughangache hena vovaraeli valetengiwe kwa Ruva na ivika miri yavo ive micha, 14 Mira nikicha mnu damu ya Kristo ningeyo iiria mbeho wa telele alekuvikie weka bila thambi yoyoshe kwa Ruva, ithambwa ngoo theru ifuma miikalie ifwie imhirira Ruva akei? 15 Henaikyo, Kristo ni mgherumva kwa ndaghano njisha. Ii niyo mana kifwa kivareghie hena ndaghano ya kuvoka ifuma hena mwandu wa thambi thavo, kimacha voshe vaileghwe ni Ruva vairima iondoa ndaghano na urithi lwavo lwa telele. 16 Kole haghire ndaghano iyaikaa, rimi thari ithibitishwe kwa kifwa kya mndu akihirire. 17 Ang'u ndaghano lichighira nguju handu hachifumia kifwa, ang'u haghire nguju ho igheri mghelihira akiva akei. 18 Hata kwiyo ndaghano iya yakuvoka ilevikiwe kigheri haraghire damu. 19 Igheri Musa akyafunya sheria kwa vandu voshe, aleondorie damu ya ng'umbe na mburi, handu hamwi na mringa, kitambaa kirotome, na hisopo, na ivakunyia gombo lyoka na vandu voshe. 20 Kangi alererie, ii ni damu ya ndaghano ningeyo Ruva avanikie sheria kwavo. 21 Hena ughongo iloilo alekunyirie damu kaghu ya handu hethangania na vyomio vyoshe fivetumikie hena itatha lya mghethongolea mrwe. 22 Na iunana na sheria, kila kindo nkyale eleshwa kwa damu. Kole haraghira ikuta nzakami haghire ireghewa ho. 23 Heikyo riveku findo fyoshe fya kaghu kwa Ruva rimithari fieleshwe kwa ito ya vanyama. Hata kwiyo, findo fya kaghu kwa Ruva filechishighwa fithambwe kwa ito like nicha. 24 Ang'u Kristo aingiriewe handu hecha mnu hachembiwe na mavoko, ningeyo kindo halithi. Badala yakwe aleingirie hena kwaruva weka, handu ngeho ake mothia ya kyamu kya Ruvu vundu vweru. 25 Aingirie we vundu vwefunya itathi vundu vwake mifiri yoshe, thafundu achihira mgetatha mrwe, wia achiingia handu haelie mwaka kwa mwaka, hamwi na nzakami ya ungi, 26 kole ikyo nile keni, kivera kwakwe ilithwa vwasi kando thana, idungia ivoka lya ithanga. Mira luvaha ni kando kamwi hadi mwisho wa miaka irughulirue ivutha thambi kwa ito yakwe weka. 27 Fundu kikei kila mndu afwe kando kamwi na baada ya iho haghecha milaho, 28 nikwiyo kwiyo Kristo nawe alefunyirwe kando kamwi naivutha thambi tha vengi, aghefumia kakavi, thi kwa vundu vwekirwa kwavaya vaghemvera kwa thaburi.