1 Kwa liya sheria ni kinje kya mburi njicha tichiye, there tiya njeni. Sheria nanga ikairimeyo nanga ibhika bhaya ngebho bhaa mthogele Rubha kwa njia ya kileko tiyatiya ningetobhaghetathisha mwaka kwa mwaka. 2 Kana kibhungi kileko kiya ngeto tigheirimato ihema ifunywa? Kwa kipimo kyo bhagheterebha bhakibha bhathambiwe kamwi, bhagheirima bhoighira imanya kikelele thambi. 3 Mirakyo hena kileko kyo haghireho ikumbuka thambi tihirirwe mwaka baada ya mwaka. 4 Henaikyo kyairimakyo ibha kwa ndhakamiya njaghu na mburi itibhuta thambi. 5 Igheri Kristo akinache ithangenyi, alereriye, "Mundebhona mwe macha ghefunya itathi kana kileko, kole there kwiyo mukabhika mwiri bhundu bhwakwa. 6 Mundeghebhura kicha hena itathi yoshe likaokewa hena itathi kwa bhundu thambi. 7 Mira nikarera loleaha, "niyafihira kwa ifura yapfwo, Rubha thafundu kiandikiwe ihuthiana na inyi hena gombo." 8 Aghererie fundu kikereriwe ihokaghu: "Muchue kichamwe kileko na itathi yeokewa bhundu bhwa thambi wala kuraichwe kicha, bhoshi yakwe" kileko kiyafunywa ianana na sheria. 9 Kangi alererie, njilolea nikeha ihira Imfura (Rubha) yapfwo, Abhikiwe mbarinyi kwa taratibu ta iho ibhoka kimacha ibhikia ngujuti ya ta kabhi. 10 Hena taratibu ta kabhi fembhikwa kua na Rubha kwaifura yakwe iiria ikufunya hena mwiri wa Yesu Kristo kandoka mwi kwaigheri yoshe. 11 Nikeni, kila mtathi achimka achimka kwa huduma mfiri kwa mfiri akifunya itathi liyaliya ngeyo kwa fyofyoshe kighebha kyo itibhuta thambi. 12 Mirakyo Kristo akina funye itathi kando karawi kwa thambi telele yoshe agheikee kubhoko kwa kumrumi kwa Rubha, 13 akibhera mpaka bha bhichwa bhakwe bhabhikwembai naighaluwa kipfumbi bhundu bhwa marende ghakwe. 14 Kwa liya kwa njia ya itathi limwi abhakamili shire telele bhaya ngebho bhatengiwe kwa Rubha. 15 Na mghehomcha aki ya kurora kweru, kwalia kimro alereriye, 16 "Ii ni ndaghano nalibhika hamwi nabho baada ya mifiriyo; Rubha areriye: natibhika sheria takwa bhoshi yangoo tabho kangi natiandika hena akilitabho." 17 Kangi akarera, bhatikumbuha hebha thambi (tabho) na mburi tabho na mihiro yabho ipfwiye". 18 Lubhaha handu haghire iregheya kwa ibha, haghive heho itathi yoyoshe bhundu wa thambi. 19 Henaikyo, bheru, fughire nguju teingiya handu haeliye ikela kwa ndhakamiya Yesu. 20 Kwiyo ni njiga ngeyo airughuliye bhundu bweru, kwa njiya ya mwiri wakwemsha na ukei ikiyairi ya hena ipathiya. 21 Na kwaliya fughire mtathi mrwe kaghu ya nyumba ya Rubha, 22 na fumthogeliye na mbeho wa kweri hena utimilifu wa uhakika wa miirikeliye fuhighira ngoo tinyinyithirwe kicha hena ikondwa maririkano na ibha na miiri ye yeru ithambiwe kwa mringa ueliye. 23 Bathi na fubhwarilie kwa idindisha hena iungamo ye rimiliya itumani yeru, bila yeghaluka, kwa liya Rubha afuahidie niwakeni. 24 Na futhike iririkana fundu fywa mbhikia ikuji kila umwi ifura nihirire micha. 25 Na funaleka iikaa ikubhunganya hamwi tha fundu bhachi hira bhengi. Kibhungi kyakwe ibhikiana nguju kila umwi ikela ikela, tha fudu mubhoni mfiri uke hawihi. 26 Kole fukahira tiri iendelea ihira findo fibhichwa fukina inghuhiye elimu ya ukweri, kileko kingi thambi ikareghweyo he. 27 Kibhungi kyakwe, haghire ibhonikana lingi ye nyanyiriwa (yetisha) kangisha na bhukai bhera moro ngetho wabhateketetha bhaghe kabhana bha Rubha. 28 Wowoshe uya aileghie sheria ya Musa, achipfwa bila mbonea mothiya bhaghe mkia bhabhi bhabhonire kana bhararu. 29 Ni bhurwe mawi bhukelele anyanyiriwa ukiririkana kiyamshi gha kila umwi ngewe abereshere mrana wa Rubha - wowoshe ririye airinie imkonda mbeho wa mborere? 30 Henaikyo fuichi umwingewe areriyo fuichi umwingewe areriye, ilihira kwakova. Naliha na kangi, "Rubha amunyanyiria bhandu bhakwe." 31 Nikindo kyeobhosha mndu ighwiya hena mabhoko gha Rubha akei! 32 Mirakyo mukumbuke mifiri iiriye, ibhikiwa kilanga kwenyu, mkikwiya ithanga irimiliya ibhabhiwa ikai. 33 Mughebhikiwe ihwaji he ihangia ye imbilia na bwathi, na mugheke hamwi na bhaya bhairiliye mabwathi tha igho. 34 Kwa liya mugheghire ngoo ya huruma kwa ibho bhaghebhie bhaghepfungwa, na mukaondoa kwa ifurahiwa adhabu (yemkia) urithii wenyu, mkimanya imwe mweka mleghire urithi mcha na waigheri yatelele. 35 Henaikyo munakumba ujathiri wenyu, ughire thawadi njirwe. 36 Kwalia muashigha irimiliya, kimetha iku muirime ighuhiya ngekyo Rubha akiahidie, ikinabhe mundeghahira kikundire kyakwe. 37 Kwalia igheri ya kala kadu, umwi aghecha, acha keni na akachelewe we. 38 Aghire haki wakwa aishi kwa miirikiliye, kole abhwianyuma, thikaichwekicha nawe.'' 39 Mirakyo ifwe thitha bhaya bhaabwia nyuma kwa ilolea. Kibhungi kyakwe, ifwe ni bhengi ya bhayafughire miiriliye yetibhuta ngoo teru.