Sura ya 8

1 Luvaha kindo fuarera ni iki: fughire kuhani mrwe ake kirombo kuvoko kwa kumndumi kwa kipfhumbi kya kifumwa ipfhwo kaghu. 2 We ni mhiri ndima wa ipfhwo haelie, ihema ya keni ambayo mfumwa alivikie na thi mndu wowoshe wepfwa we. 3 Kwa ku kuhani mrwe achivikwa kimetha afunye matathi na thabibu, na we ni lathima ku aghire nawe kyakwe weka kyefunya. 4 Mira kole Kristo aleke kaghu ya ithanga, we aveva kuhani thaidi ya iho we. Kwaku valeke vaya valechifunya matathi ianana na sheria. 5 Valechihudumi kindo ambakyo nile picha na mshe wa findo fya ipfho kaghu, thafundu Musa aleghashiriwe ni Ruva igheri aleghashigha iagha ihema ku uchembe kila kindo kwio kwio fundu kurorerwe kaghu mlimenyi. 6 Mira luvaha Kristo andeghuhia huduma njicha ikela kwaku we kangi ni mghepatanisha wa iaghano icha ambayo lindemidindishwa kwa ahadi njicha. 7 Hena ikyo lee, kole iaghano yevoka liralepungurie haveghiraho haja yekasha yakavi. 8 Kwa ku igheri Ruva akinagundue makotha kwa vandu aleghambie lee, "Lambua, hana mifiri yacha, igheri na chechemba iaghano isha na nyumba ya Israeli na nyumba ya Yuda. 9 Likacheve tha lia nilevikie na vandie vavo mfiri nilevaondorie na kuvoko ivafunya hena ithanga ya Misri. Kwaku valeghendievo hena iaghano yakwa, nanyi thileva vatharienyihe. 10 Ruva eghamba ku ili niyo iaghano yakwa nachevika na nyumba ya Israeli baada ya mifiriyo, ku 'Nativika sheria takwa hena maririkano ghavo na natiandika ngoonyi kwavo. Nava Ruva wavo navo vava vandu vakwa. 11 Vachefundishana hevo kila mndu na urwee na kila mndu na wavo ighamba ku, "Mmanye mfumwa," Kwio voshe vanjimanya idungia mdu mpaka mrwe wavo. 12 Hena ikyo navarora rehema takwa hena mihiro yavo therele ya haki, na thateti kumbuka henyi nzune tavo. 13 Kwa ighamba "Ihya," andelighaluta lia yevoka ku lilalie lali. Na lia andelighamba ku lindelala lali like havihi na ireka.