Sura ya 6

1 Kwaku fukaleka kia fulevilirue ivoka vundu vwa mburi ya Kristo, mfwashighwa ighira juhudi ighenda hena idinda, funavikahe mithingi yeungama ifuma hena ndima thirakei na miirikilie hena Ruva, 2 nanga mithingi yeloshwa hena upatizo, na ivavikia mavoko, ifunywa hena kifwa, na inyanyiriwa ya telele. 3 Nafwahira kwio kole Ruva akairikia. 4 Kwakukirakave hee kwa vaya valevonire kilanga ivoka, kwa vaya valeonyie findo ficha fya kaghu kwa Ruva, nairikwa vave vamwi na mbeho mrwe. 5 Na vaya vathaghie vucha vwa kirero kya Ruva kwa nguju kwa igheri lichie, 6 na kangi vakawa - kikavehekyo wawighira hena iungama. Ii ni kwalia vandemwighira mwana wa Ruva kando kavi kwa ngoo thavo vakimwika kindo kye shenjighia thararenyi. 7 Kwalia mbai ighomorie mwera uwakava kando kengikengi kaghu yakwe na ikafunya fijo muhimu kwa ivo vahirire ndima hena mbai, vachinikwa mborere ifuma kwa Ruva. 8 Mira kole iyaghira mifwa na mara, ighireheyo vuthuri ike hena hatari ye reghewa laana. Mwisho wakwe niiokewa. 9 Ingawa mfwarera kwii vambwie fuvafurie mfwa shawishiwa ni findo findo ficha mfyamuhuthu imwe na findo mfyahuthu ikirwa. 10 Kwaku Ruva there mmbichwa hata aivae ndima yenyu kwaimufura vundu vwa irina lyakwe, muvahiririe vagheirikilia heikyo mweeke hena ivahirira. 11 Nafughire ngwina nicha ku kila umvi wenyu airime irora bidii iya iya mpaka mwisho kwa nguju. 12 Mfwashigua fwe muve valethi, mira muve vagheivaria vaya vavikie kyathe vundu vwa miirikilie na irimilia. 13 Henaikyo Ruva akinamnike Abrahamu kyathe, aleapie kwa ngoo yakwe, kwaku areleapie kwa ungi wowoshe kwa wia mrwe imkela we. 14 Aleghambie ku keni nakubariki, kangi nauongera mbare yafwo zaidi." 15 Hena irira lyi, Abrahamu alenikiwe kia alevirue hena kyathe, baada yevera kwa irimilia. 16 Kwalia vandu vachiapa wia ningemrwe ivakela vo, na kwavo imalia ilwa lyoshe niiapa kwaiirimisha. 17 Luva akinagheamue irora kwa ukeni vuundu vwa vagherikwa kyathe kwavuchibadilishwa, aleirikilie kwa iapa. 18 Alefanyire kwio kwa findo fivi firachiva ivuthwa hena ifwo Ruva airima we irera mongo, ifwe furichililie itunzwa fupate iwighiriwa ngoo ivwarilia kwa nguju mirikilie iya livikiwe mothia yeru. 19 Fuure nguju tha nanga iya ikongome iyategemea ngoo theru, ngiyu iyaingia voshi bwariga ya pazia. 20 Yesu aleingirie kibare tha mghethongolea weru akinahirike mghethongolea mrwe telele hena utaratibu lwa Melkizedeki.