1 Kwa ku kila kuhani mkuu athaghuriwe ifuma maghari ya vandu, athaghuriwe imkia handu havo hena findo fifyaghendana na Ruva, kimacha airime ifunya handu hamwi zawadi na dhabihu kwa vundu vwa ndhune. 2 Airima ikuhirija kwa vumboa na mafire na vangani kwa ku we na wee weka ajungulukiwe ni vushokeri. 3 Hena fundu vya iki kimtarire ifunya itathi fundu vwa ndhuna takwe thafundu ahirira ndhune ta vandu vengi. 4 Na haghire mndu achiondoa shima ii kwa vundu vwakwe weka we...... 5 Hata kristo akunikie shima weka we kwa ikuvika ku niwe kuhani mrwe,Therekwio, Ruva arerie hena we, "Ruva arerie hena we, "Iwe ku mwana wakwa, ithanya ndeva Papa wapho'' 6 Ni tha fundu arerie handu hengi, "Iwe ku kuhani telele baada ya ukuhani wa Melkizedeki." 7 Hena igheri yakwe kimwiri, alombie na ilombia, amlombie Ruva na mithori, kwa uya airima imkira hena kiphwa. Hena fundu vwa ikudua yakwe kwa Ruva, akaichwa. 8 Hata ku nike mwana, akuloshere iichwa findo fimlithire vwathi. 9 Akolosherwe na hena njia ii akava kwa kila mndu amwiirikilie ighira ikirwa ya telele, 10 Kwa ithanguwa ni Ruva tha kuhani mkuu baada ya ikamba ya Melkizedeki. 11 Fughire fingi fyerera ihusu Yesu, mira ni kikuji ikivilia kwa ku imwe muvalethi veichwa. 12 Hamwi na ku igheri li kilemuvaie iva valoshi bado haghire umuhimu wa mndu imulosha mafundisho gha kuvoka gha kirero kya Ruva. Mumwashigha maniva na thi kijo kikongomie kyo. 13 Kwa ku wowoshe anywa mariva du, achiviriewe we mburi ya kitea, kwa ku bado ni mwana. 14 Hena ughongo lungi, kijo kikongomie ni kya vandu vathima, vaya ngevo fundu fwa ichivia yavo hena itatanya kitea na uvichwa vandelosha itambarua kicha na kivichwa.