Sura ya 4

1 Henaikyo, mfwashighwa fuve kindokicha kimacha hanaghira hata umwi aghevoniwa ihera ifikia malaghano gheingia hena ighelema kwa Ruva. 2 Heikyo fundeghira mburi njicha yehema kwa Ruva kireriwe kweru safundu Vaisraeli vavekenakyo mera mburi iravaghenje vaya ningevo vavekeho mira vakaherwa ighira miirikilie kwaikyo. 3 Kwa ifwe, nfwemighira miirikilie ifwe nifwe nifwe mfwagheingia hena ighehema, fundu nkyarerwa, ''Fundu niapie kwa iding'a lyakwa, Vakagheingie hena ighehema kwakwa." Aleghambia kwii kwaku ndima thoshe athichembie thivethirie idungia ivoka kwa ithanga. 4 Ang'u emirera ihandu haghamba ihuthu mfiri wa mfungate, ruva alehemie mfiri wa mfungate, "Ruva alehemie mfiri wa mfungate henafyoshe afihirire." 5 Kangi amighamba, vakagheingie hena ighehema kwakwa" 6 Henaikyo, idungia ihema lya Ruva ni qkibq vundu vwa vaya vagheingia na idunga Vaisraeli vengi valeichue mburi njicha yehema vandegheingia vo vundu vwairaichwa, 7 Ruva alevikie he mfiri ungi wailaghwa, "Ithanya." We aleongerere mfiri u akinarere iiria Daudi ningewe arerie mifiri mingi baada ya fia, "Fireriwe ithanya kole mukaichwa irwi lyakwa muna vika ngoo thenyu iva nguji." 8 Kole Yoshua avevanikie inuliwa, avegherera we mfiri ungi. 9 Heikyo haghire mfiri we hema uvikiwe vundu vwa vandu va Ruva. 10 Ang'u mgheingia ighehema kwa Ruva weweka ahemie vundu vwa miikalie yakwe safundu Ruva ahiriri we. 11 Henaikyo fughirenyi kulu kweingia hena ighehema, netha hanagheghira mghewa hena vuvichwa vahirire. 12 Ang'u kirero kya Ruva kikei kangi kighire nguju kangi ni kikai ikela upanga luchivegha hoshe havi, kangi ughire ikela ipanga niyave gha kavi kavi kangi lyaokea na ighava nafsi, ngoo, na fiungo, na mafura ghake voshi yakwe. Kangi lichiirima imanya maririkano na makusudi gha ngoo. 13 Haghire kichembiwe kikuthughene hena kyamu kya Ruva. Badala yakwe, kila kindo ni kya keni na mitho ghaumvi ang'u fwaghefunya itoro. 14 Baadaye hagheghira mghethongolea mrwe aingirie kaghu, Yesu Mwana wa Ruva, kwa idinda fuvwarilie miirikilie yeru. 15 Kwaku furaghire mghefuthongolea mrwe arakyairima itikana naifwe hena findo fishokere we adeghiwe thaifwe mira we araghire thambi. 16 Heikyo fughende kwa nguju hena kiphumbi kya kimangi kya mbora, heikyo fuivarie mbora na mbonea yafughenja igheri lyeshigha.