Sura ya 5

1 Kwaku Kristo alefurika huru nikyo fuke huru. Henaikyo muke huru, Hena ikyo mumke imara, mulolie munavwarwa hena kipfungo kya utumwa. 2 Lolea, inyi Paulo, nnamuvia ku kole mukaingirwa ngathu, Kristo aghirewe faida yoyoshe kwenyu. 3 Kangi, nnafunya ushuhuda kwa kila mndu wa kyumi aingirirwe ngathu ku nkyanjitara iwajibika hena sheria yoshe. 4 Mutengiwe kua na Kristo vaya voshe "Mmwatarirwa keni" kwa sheria. Mughwie kua na mbora. 5 Kwaku kwa njia ya mbeho, kwa miirikilie fuverie nguju ya keni. 6 Hena Kristo Yesu iingirwa ngathu kana kuraingirwa ngathu kughire maana yoyoshe ko. Ni miirikilie yoka yahira ndima kwaiiria hena ifura, niyo yarora kindo. 7 Mulekya richa kindo kicha. Ni itho alemuleghea munakudua keni? 8 Ithumijirwa ihira kwio uchifuma kwakwe tho itho akiyamuilagha imwe. 9 Kindo kyabeka kadu kichibe ketha itoghi ithima. 10 Nighire ikuji na imwe henaMndumi ku mwaririkana mwe kwa njia ingi yoyoshe. Mndu wowoshe wia amulemba atika hukumu yake weka. 11 Weru, kole nnaendelea itangatha urino, haniiki bado nnatethwa? Kwa kindo kyo kia ngekyo nkyaringilia msalaba kyairima ikondwa. 12 Ni ikuji yakwa ku vaya vwachirungwa uvichwa wakutana voka. 13 Ruva amuileghe imwe, veru, hena uhuru. Mira muratumie uhuru wenyu tha nafathi kwa mwiri. Hena kwio kwa ifura mutashane imwe kwa imwe. 14 Kwaku sheria yoshe indemkqmilikq hena iamoro limwi nayo ni "Ni lathima umfure mdu wa haghwihi na iwetha iwe kweka." 15 Mira kole mukalumana na imaliana mukulolie ku munakukonda imwe kwa imwe. 16 Nna muvia, ghendenyi kwa mbeho, na wala mukatimithe ngwina tamwiri. 17 Kwaku mwiri ughire ngwina njirwe ikela Mbeho, na mbeho ighire ngwina ndue ikela mwiri. Iti ntakelana kila imwi na orwee. Matokeo ghakwe niku nimwahira vindu mufifurie ifihira. 18 Mira kole imwe mukatikwa ni mbeho, mukemwe thinyi ya sheria. 19 Luvaha mihiro ya mwiri niyoi ishinda, ikwe, vurango, 20 mtatho wa mirungu, vuthavi ntdho, fira, husuda, ighira iding'a, ikelana, ilwa, itana kiimani, 21 funu, iirwa, ulafi, na findo fingi tha ifyo vandu vachifihira vakairime iurithi vufumwa wa Ruva vo. 22 Mira ndunda ya mbegho ni ifura, inuliwa, mborere, irimilia, iora, ngoo njicha miirikilie, 23 vuhoo, na kiathi. Haghireho sheria hena findofyo. 24 Vaya ngevo va Kristo Yesu vathulubishirwe mwiri hamwi na kulu na tamaa tavo mbichwa. 25 Kole fukaikaa na mbeho ni kicha fuivare nawe. 26 Funava vandu vekubaha, ikumbia fuleke kila umwi na urwee, kangi funalolea na uvichwa.