1 Niaghamba kole mrithi ni mwana aghirewe tofauti na mtumwa, japo we ni we aghire mari yoshe. 2 Badala yakwe, ake mbai ya bhaghelolea na bhakujinga mpaka mifiri ibhikiwe ni ndie ifike. 3 Hata ifwe funge vana fughewerwe hena utumwa wa kanuni ta kuvoka ta isanga. 4 Maghe ghakinaghefike, Rubha akamruma mwana wakwe aghiriwe ni mwana wa kika, mbai ya sheria. 5 Alebhikie kwii ili ibhanika bhaya bhagheke thinyi ya sheria ili fuondue hali yebha mwana. 6 Kwa lia imwe mu bhana Rubha aghemrumie mbeho wa mwana bhoshi ya ngoo teru, Ngoo ailagha, "Aba, Papa." 7 Heicho iwe kunitumwa fwo ila ku mwana. Kole ku mwana iwe na we kumrithi hamwi na Rubha. 8 Tangu mifiri mingi mrana mmanya Rubha mhehiri ndima kwa vaya ambayo thira Rubha kikala kabitha. 9 Kwa lia lubhaha mumu ichi Rubha au kwalia mumanyikie kwa Rubha haniiki muabhwia he hena kanuni thafu takubhola tiraghire thamani kwani muashigha he ibha bhatumu? 10 Muchibhwara kindo kicha mfiri maalumu, miandamo ya mwiri, mifiri, na miaka. Naobhoha kwa ajili yenyu. 11 Naaobha kwa namna fulani rinde kunika bhwasi bure. 12 Naamulomba bheru muikae tha fundu ni kei kwa lia nainyi nemiikaa tha fundu mukei munanjikosea mwe. 13 Muichi kunigheke kwiyo kwa sababu ya ndware ya mwiri wakwa nighea hubiri kirero kwenyu kwa mara ya kuvoka. 14 Hata kwiyo hali yakwa ya mwiri ighemuvikie hena mdegho munjileghiemu kana ichikira. Hamwi na ifyo mukanjipokea sa malaika wa Rubha, laku inyi ni Kristo Yesu weka. 15 Hanaicho ikekwi isheka yenyu ang'u naalolea kwenu kikabha mugheduka mitho ghenyu ainjinika inyi. 16 Kwani le ni ndebha adui wenyu ang'u naamubhia ukeri? 17 Mbhamukasha kwa kikathi kwa vuchayo mbhashi gha vanyilekanishe inyi na imwe netha muvaivaria. 18 Nikicha ighira laka kwa sababu njicha na thiku nikiva nikenaimwe dayo. 19 bhana bhakwa bhadu, naabhabhiwa ngoo kwa ajili yenyu mpaka Kristo achembike voshi kwenyu. 20 Nighafurie niikae haya hamwi na imwe nighalute ithwi ya kwa sababu nighire wathi wathi kaghu yenyu. 21 Njivienyi imwe muoshi gha iikaa mbai yan sheria, muaichwa sheria ichirera kwiya? 22 Ang'u iandikiwe ku Abrahamu alighire bhana bha chumi bhabhi umwi kwa mka mhiri ndima ungi kwa mka huru. 23 Hata kwiyo muhiri ndima aleghirie kwa mwiri du, uya wa mka huru aleghirie kwa ahadi. 24 Findofi fidhiirima irerwa kwa mfano, kwa lia vachifanana maaghano abhi limwi ifuma hena fumbu ya Sinai. Lichighira bhana bhahiri ndima. iu ni Hajiri. 25 Heicho Hajiri ni fumbu ya Sinai ike Arabuni. Lichifananishwa na Yerusalemu ya hubhaha, kwa lia ni muhiri ndima hamwe na bhana bhakwe. 26 Mira Yerusalemu ike kaghu ni huru, na iu niwe mama weru. 27 Ang'u iandikiwe ichwa kicha, "Furahiwa mndu wa kika kundatha, iwe kurachi ghira, rera kwa nguju ukabhe kelele ang'u kuchue kicha iwe kuralongerie ighera, ang'u bhana bhengi ni bha ndatha uya aghira mndumi.'' 28 29 Lubhaha weru tha Isaka, imwe mu bhana bha ahadi. Maghe ghaya mndu aghiriwe kwa mifiri ya mwiri anghemlithire fwathi agheriwe kwa mifiri ya ngoo. Kwa lubhaha ni kwiyo kwiyo. 30 Maandiko ghachirera kwiyu? "Mbhuthe mwana wa mka mhiri ndima, mwana wachumi ang'u mwana wa mhiri ndima arithi we hamwi na mwana wa mka huru." 31 Heicho weru thi mwana wa mtumwa we ni mwana wa mka huru.