Sura ya 3

1 Wagalatia mafire, ni ritho iki wichwa lyimukondie? Yesu Kristo arorerwe ku avwaghiwe mothia ya mitho ghenyu? 2 Inyi nnashigha imanyia ifuma kwenyu muleondorie mbeho kwa mihirire ya sheria han'gu kwa miirikilie iya muichue? 3 Imwe mumafire kwiyo? Muledungie hena ngoo netha mumalie hena mwiri? 4 Mulighie vwasi kwa findo fyadu? 5 Wia afunyire ngoo kwenyu naihira findo fya nguju hena imwe achihira kwa mihirire ya sheria kana kwaiichwa handu hamwi na miirikilie? 6 Abrahamu "alimwere Ruva akatarwa iva mndu mcha". 7 Heikyo mumanyeku voshe vaya vairikilie ni vana va Abrahamu. 8 Kilererie ku Ruva aghevatari ria keni vandu vaithanga kwa irira na miirikilie. Injili ilebirikiriwe kuvoka kwa Abrahamu: "Hena iwe vaithanga voshe vavona mborere". 9 Netha vaya ningevo vana vavone mborere handu hamwi na Abrahamu ningewe aleghire miirikilie. 10 Vaya ningevo mvaivaria mihiro ya sheria mbai varegherue mumu kwaku kiandikiwe aregherue mumu kila mndu arakyawara findo fyoshe filosherwe hena kitabu kya shena ifihira fyoshe.'' 11 Luvaha nikeni ku Ruva akamtari rie we keni hata umwi kwa sheria kwaku aghire keni aikaa kwa miirikilie.'' 12 Sheria ichifuma he miirikilie yo, mira badala yakwe ''Ambaye achihira findo fyakwe hena sheria, aikaa kwa sheria." 13 Kristo afukirire ifwe ifuma hena mumu wa laana ya sheria igheri akinafanywe laana kwa vundu vweru. Kwakukiandikiwe, "Aregherue mumu kila mndu avanikiwe kaghu mrinyi.'' 14 Nigheku mborere thiveke kwa Abrahamu thighaluke kwa vandu va kiithanga hena Kristo Yesu, kimethafuirime iondoa malaghano gha ngoo iiria miirikilie. 15 Weru, nnarera thamndu hata igheri lya malaghano ghakivandu ghandemivikwa kindokicha, haghire airima iberesha kana iongerera. 16 Luvaha fyathe filererue kwa Ibrahimu na mbare yakwe. lyarerayo kwa mbare ku imaarisha vengi, mira ni vundu vwa umwidu, kwa mbare yafwo, ninge Kristo. 17 Luvaha nnaghambu kule, sheria iechie miaka 430 baadaye, ikavuthe malaghano gha nyuma ghalevikiwe ni Ruva. 18 Kakolea urithi luvechie kwa vundu vwa sheria uveirima heicha kwa vundu vwa malaghano. Lakini Ruva alefunyire wia kwa ache kwa vaya ningevo valeghire kyathe. Mira Ruva alefunyire wia kwa Ibrahimu vundu vwa kyathe. 19 Hani iki sheria ilefunyirwe? Ileongererwe vundu vwakonda, mpaka mbare ya Ibrahimu iche kwa vaya ningevo valeleghene. Sheria ilevikiwe kwa kuvoka kwa mghechemba. 20 Luvaha mghechemba akyashigha mndu umna, mira Ruva ni umwi wekadu. 21 Heikyo sheria ike kinyume na kyathe kya Ruva hai! Kole sheria ilefunyirwe iveghire nzinya yeende ikia, keni ivevoniwa kwa sheria. 22 Mira kirero kifwungie findo fyoshe fya thambi. Ruva ahirire kwi kimetha kyathe kyakwe niifukira kwa miirikikilie hena Yesu Kristo iirima ivoniwa kwa vaya vairikilie. 23 Mira miirikilie hena Kristo irenacha, fulafyungiwe ni sheria netha hache irughuliwa hena miirikilie. 24 Heikyo sheria ilevikiwe ifuthongolie mpaka Kristo akicha, kimacha futarirwe keni kwa miirikilie. 25 Luvaha kwaku miirikilie indecha, fukehefwe mbai ya mghefulolea. 26 Kwaku imwe voshe muvana va Ruva iiria miirikilie hena Kristo Yesu. 27 Voshe mupatisirwe hena Kristo mundemraa Kristo. 28 Haghire Myahudi ho harigu Myunani ho, mhiri ndima, mndu wa kyuni han'gu mndu wa kikika, kwalia imwe voshe muvamwi hena Kristo Yesu. 29 Kole imwe muva Kristo, heikyo muva Ibrahimu, vagherithi kwa vundu vwa kyathe.