Sura ya 2

1 Ikinaire miaka ikumi na inya nileghendie he Yerusalemu hamwi na Barnaba. Kangi nilemuondorie Tito hamwi na inyi. 2 Nileghendie kwa lia Ruva alekumanyishire kwaka iku niashighwa ighenda. Nilevikia mothia yavo injili ngeyo nigheirene kwa vandu va ithanga. (Mira nilegaie kwa ikuthughana kwa vaya valeavonekana iku ni varongori vamanyikie). Nilehirire kwiyo kimetha nirore ku thivekyaricha nyi, kana niverichie vwia. 3 Mira hata Tito, aleke hamwi na inyi, nile Myunani, alelathimishirwe irinwa. 4 Mburi ii ilefumirie kwa liya vandughu vamongo valechie bila ivonwa ishigha imanya uhuru fuke nalo hena Kristo Yesu. Valechue macha ifuvika ifwe vuve vathoro va sheria. 5 Fulefumiefe ivairania hata kwa ithaa limwi, metha injili ya keni ireghwe harighire ighalutwa kwenyu. 6 Mira vaya valereriwe iku valevie varongori valethangirievo chochoshe kwakwa. Chochoshe valekihirire kile vie cho kwakwa. Ruva achiirikia we ipendelea vandu. 7 Therekwiyo, valenjivonire iku nindeaminiwa niirere injili hena vaya ingevoo varariniwe. Nigheku Petro arere injili kwa vaya variniwe. 8 Hena ikyo Ruva, alehirire ndima voshi ya Petro kwa irumwa kwa vaya variniwe, kangi alehirire ndima voshi yakwe kwa vandu va ithanga. 9 Mifiri iya Yakobo, Kefa, na Yohana, valemanyikie ku ni vaghe agha nyumba ya Ruva, valemanyire mbora ngeyo nilenikiwe inyi, valefughuhirie hena vumwi vwavo inyi na Barnaba. Valehirire kui netha funghende hena vandu va kiithanga, na nile ku vairime ighenda kwa variniwe. 10 Kangi valefushighie ifwe ivakumbuka vakiva. Inyi kangi nigheghire macha yehira kindo ki. 11 Mifiri iya Kefa alechie Antiokia, nilemleghie boo kwa ku akotherie. 12 Kabla ya vandu vatare icha ifuma kwa Yakobo, Kefa alelighie hamwi na vandu va ithanga. Mira vanduva vakinache, alelekie na ivuka ifuma kwa vandu vya ithanga. Alechiovoha vandu ngevo valeashigha irinwa. 13 Kwiyo kwiyo Vayahudi vengi valeikee hamwi na unafiki u hamwi na Kefa. Matokeo ghakwe nileku hata Barnaba aleondoriwe ni unafiki wavo. 14 Mira, nikinavone iku vakiaivariavo injili ya keni, nile mvirie Kefa mothia yavo voshe, "Kole imwe ni Vayahudi mira mwaishi tabia ta vandu va ithanga there tabia ta Kiyahudi, haniki muavalathimisha vandu va ithanga ikaa tha Vayahudi? 15 Ifwe kwa liya ni Vayahudi kwa ighirwa na thi "Vandu va mathanga vaghire thambi" 16 manyeni ku haghire ho ataririwe kitea hena mihiro ya sheria. There kwiyo, vaataririwa kitea hena miiriki lie voshi ya Kristo Yesu netha futaririwe kitea hena miirikilie voshi ya Kristo thi kwiyo hena mihiro ya sheria. Hena mihiro ya sheria haghireho mwiri wetaririwa kitea. 17 Mira kole fukyamshigha Ruva kwa itaririwa kitea voshi ya Kristo, fuakolea fweka iku fughire thambi, niamuulitha Kristo alevikiwe wa thambi? Thi kwiyo yo! 18 Maana kole nikiagha itegemeo yakwa kaghu na ivwara sheria, tegemeo ngelo nighemalirie ilivuta, niakurora njeka iku nimghetenya sheria. 19 Kwa iiria sheria nilepfwie kwa sheria, hena kwiyo niashighwa ikaa vundu vwa Ruva. 21 Nivambiwe hamwi na Kristo. Thi inyi nyi kangi nikyaikaa mira Kristo akyaikaa voshi yakwa. Maisha ngegho niyaikaa hena mwiri niaikaa hena miikalie voshi ya mwana wa Ruva, ngewe aghenjifurie na akakufunya vundu vyakwa. 20 Thiailegha nyi mbora ya Ruva, ang'u kole kitea kighekeho iiria sheria, hena ikyo Kristo agherie apfwie vwia.