Sura ya 5

1 Hena ikyo muve vandu vemwiivaria Ruva, tha vana vakwe vafuriwe. 2 Mughendie hena ifura, tha fundu na Kristo alefufurie ifwe, akakufunya weka vundu vweru. We avie itathi na dhabibu, na mbungo njicha yemnulitha Ruva. 3 Shinde na uchafu wowoshe na macha mavichwa nimi thari finarerwa maghari kwenyu, tha vundu kichishighwa kwa vaya vairikilie, 4 neri ichokothana linarerwa, neri migayo ya kifire, firero firaghire shima fyeraghwisha firakenicha, there kwio haghire nahavache. 5 Mwairima ighira hakika iku haghire macha mavichwa, uchafu, neri aghire ngwina mbichwa, itho ni mghetatha ngoma aghirewe iora yoyoshe hena vumangi vya Kristo na Mrungu. 6 Mndu wowoshe anamlemba kwa virero firaghire maana, vundu vwa findofi iding'a ya Ruva iyacha kaghu ya vana varachiitwa. 7 Hena iukyo kunavwarana navo. 8 Kwa ku imwe iho kuvoka mule mma, mira luvaha mundeva kilanga hena Mndumi. Ifena ikyo ghendenyi tha vana va kilanga. 9 Kwa ku ndunda tdha kilanga tdhichithanganya vucha vwoshe, kitea na keni. 10 Shigha kiya kiyafurisha kwa Mndumi. 11 Munakuthanganya na ndima tdha mma there kwio tdhivikwe hena kilanga. 12 Kwaku findo fichihirwa nivo thirinyi ni iraghwa mnu hata ifirera. 13 Findo fyoshe, fikimwikwa ni kilanga fichivonekana boo, 14 kwa ku kila kindo kipfunuriwe kichiikaa kila ngenyi. Hena ikyo aghamba kwii, "Vukia, iwe kulee na vukia ifuma hena vaphwie na Kristo aaka kaghu yapfo." 15 Hena ikyo mulolie mighendie yenyu, thitha vandu varaghire kiungho mira vaghire kiugho. 16 Okeenyi muda ang'u mifiri ni ya vuvichwa. 17 Munava mafire, there kwio mamanye kiya nighe kicha kwa Mndumi. 18 Munairwa mvinyo, uchitika hena ikondekiwa, there kwio muichurwe ni Mbeho aelie. 19 Gayenyi na kila umwi wenyu kwa zaburi, na nguma na nyimbo tdha hena ngoo. Imbenyi na togolenyi kwa ngoo kwa Mndumi. 20 Daima toa shukrani kwa mambo yote katika jina la Kristo Yesu Bwana wetu kwa Mungu Baba. 21 Kufunyenyi mweka kila umwi kwa urwee kwa shima ya Kristo. 22 Vaka, kufunyenyi kwa vomi venyu, tha fundu kwa Mndumi. 23 Kwa ku mmi ni mrwe wa mka tha fundu Kristo nghewe mrwe we kanisa. Ni mghekira mwiri. 24 Mira tha fundu kanisa like thinyi ya Kristo, kwio kwio vaka ni mi thari vahire kwio hena vomi vavo hena kila kindo. 25 Vomi, vafurenyi vaka venyu tha fundu Kristo alelifurie kanisa na akakufunya we weka kwa vundu vwakwe. 26 Ahirire kwio kimacha live lielie. Alielishire kwa ilithamba na mringa hena kirero. 27 Ahirire kwii kimecha airime ikundie kanisa lielie, liraghire uchafu nanga ibashi kana kindo kifwenene na ifyo, there kwio lielie liraghire ikosa. 28 Kwa njia iyo iyo vomi vakyashighwa ivafura vaka vavo tha miri yavo. Kya amfurie mka wakwe, akufurie weka. 29 Haghireho hata mndu umwi audahiye mwiri wake there kwio auvwighiria na iufura tha vundu Kristo nawe alelifurie kanisa. 30 Kwa ku ifwe vu vamwi hena mwiri wakwe. 31 "Kwa vundu vo mndumi alekana na ndie wakwe na mae wakwe, na avwarana na mka wakwe na ivo vavi vava mwiri umwi". 32 Iki fulethughenwe. Mira ninarera ihusu Kristo na kanisa. 33 Mira kwio, kila umwi wenyu nimithari amfure mka wakwe thafundu we weka, na mka nimi thari amvikie mmi wakwe shima.