1 Heicho nitha niphungiwe kwa thababu ua Mndumi, nnamulomba fundu mu ileghe ni rubha afuileghe. 2 Muikae kwa bhuhoa bhubhe na mborere na irimilia mkiondoleana hena ifurana. 3 Fanyenyi bidii ibhika kindo kicha bhumwebhenyu hena ngoo na kipfungo cha amani. 4 Haghire mwiri umwi na ngoo imwi thandu muileghe. 5 Haghire Mndumi umwi imani limwi na upatiso lumwi, 6 na Rubha umwi Papa wa bhoshe. Weake kaghu ya fyoshe na hena fyoshe bhoshi ya shoshe. 7 Na kila umwi weru anikiwe kipawa ilolea kiringanyo cha kipawa cha Kristo. 8 Ni fundu maandiko gharerie: "Alekwerie kaghu mnu akaongera mitahe he na vahiri ndima aka funya fipawa kwa bhandu." 9 Ni iki, "Alekwerie," (alipaa) mira kyo alegharie mpaka mbai ngomenyi? 10 Weaghegharie ni mndu wiawia ambaye aghekwerie kaghu ya fyoshe kabitha. Aghe hirire kwii ili findo fyoshe fikae hena nguju takwe. 11 Kristo alefunyire fipawa thaifi kwa mgherumwa, mghevona, mwinjilisti, mgheembea na mloshi. 12 Ahirire kwii iliighenja mbhamu ibharia ili hathi yakwe iongereke na mwiri wa Kristo uaghwe. 13 Abhikie kwii ili fubhe kindo kimwi na miirikilie maarifa gha mrana wa Rubha ahira kwii mpaka fulehe tha bhaya bhafikirie bhure bha Kritso. 14 Ili funaghebha he thabana, funa kunibwakubwa kunu na kunu. Ili funaondoghwa ni kila mkuta wa mafundisho, kwa tiri ta bhandu hena bhujanja we lemba uko udekie. 15 Kinyume chakwe fyarera ukerii wa ifura na ileha mnu hena irira yoshe bhoshi yakwe na niwe mrwe, Kristo. 16 Kristo andefuthanganya handu hamwi mwiri woshe wa bhandu bhakwe. Nithe ngenyeve hamwi na kila kimwi ili mwiri woshe ulehe na iagha thoka hena ifura. 17 Heicho naarera kwii nnalomba Mndumi: Munaibharana tha bhandu bhaisanga, handu bhachiibhara hena bhu bhichwa bhwa bhongo bhwabho. 18 Bhabhikiriwe mna hena maririkano ghabho bha fukutherwe ifuma hena ngalamo ya Rubha kwa bhafire bhuke bhoshi kwabho kwa sababu ya ugumu ya ngoo tenyu. 19 Mbhakuichwa irawa bhakuingirire bhoka hena ufisadi, hena mighendie mebhichwa hena kila kindo bhaghire funu. 20 Ninabhona thi kwiyo yo fundu mufundishire ni Kristo. 21 Ninabhona muchue fundu weka akei hata kwiyo munebha mualoshwa henawe fundu ukeri ukei hena Yesu. 22 Lathima mufunye findo fyoshe fifumene na ighenda yenyu hena ifwo kala moo wa kala ni utu wa kala. Uaghiri mhayohayo we lemba. 23 Funyenyi mii kaleliyenyu ya kala ili mubhikwe bhasha hena moo na mirwe yenyu. 24 Bhikenyi kwii ili murae findo fisha, rishaghendeana na Rubha, hena keni na bhurwe bhwa keni. 25 bhika hacha ilemba, "Rerenyi keni, kila mndu na bha kwabho," kwalia fu bhamwi kela mndu na urwee. 26 Mughire iding'a mira mu naghira fibhichwa." rubha likakendia mueke hena mading'a ghenyu. 27 Munamnika shetani nafasi. 28 Wowoshe achaibha ana ibhahe badala yakwe ahire ndima. Ahire ndema ighire nguma njicha kwa mabhoko ghakwe kimecha airime imtethea wia araghire. 29 Firere fibhichwa finafuma hena mumu yenyu badala yakwe firero fyoshe fifume hena fia fibhie kwa mgheshigha ibhanike faida bhaya bhakyaarama. 30 Muna mlitha bhwathi Mbeho mcha wa Rubha. Niku mubhikiriwe kirero kwa ajili ya mfiri kirwa. 31 Nimithari mubhike hache ibhabhiwa yoshe, tiri, inding'a, ilwa na ikonda handu hamwi na findo fibhichwa. Bhenyi bhecha imwe kwa imwe. 32 Mughire huruma muregheane imwe kwa imwe, thafundu Rubha hena Kristo amuregherie imwe.