1 Kwa kwiyo, inyi Paulo, nimghefwangwa wa Yesu Kristo vundu vwenye vaithanga. 2 Nnaamini nanichue ndima ya mborere ya Ruva anjikie kwa vundu vwenyu. 3 Nnamuandikia itokana na irughuliwa lyakwa. Iu ni ukeni ukuthughene wia niuandikie kwa kiwihi hena barua ingi. 4 Ukithomagha, kwairima imanya ikaghaa yakwa hena ii ikuthughene hena Kristo. 5 Kwa mbare thingi ukeni lu luhirirwelo umanyike kwa vana va vandu. Mira kwa luvaha uvikiwe thararenyi kwa mbeho kwa vagherumva vatengiwe na Varoti. 6 Ukeni lu lukuthughene niku vandu va kiithanga ni vagheshiriki varoo na vajumbe varoo va mwiri. Nivagheshiriki handu hamwi na ahadi ya Kristo Yesu iiria injili. 7 Na kwa iki nihirikie mtumishi kwa zawadi ya mborere ya Ruva, ifunyirwe kwakwa iiria hena nguju yakwe. 8 Ruva alefunyire thawadi i kwakwa, japo inyi ni mndu hena voshe ya vaya vasaghuriwe vundu vwa Ruva. Thawadi ii niku iyanjishigha nivavie vaithanga injili ighire vuthuri vuraghire ithia vwa Kristo. 9 Iyanjishigha ivavilia vandu voshe vundu vwa mpango wa Ruva ukuthu ghene. Iu ni mpango uthughenwe kwa magheri mengi iirie, na Ruva ningewe afivumbie findo fyoshe. 10 Iki kilekeku, liria kanisa, vaghemkia na nguju hena handu ha kaghu vaikae vaichi findo nfyahuthu imanya lya Ruva. 11 Ighaghaghefumia iiria mpango wa telele wia aleuvikie voshi ya Kristo Yesu Mndumi weru. 12 Kwaku hena Kristo fughire nguju na imanya hena ighenda hena nguju kwa vundu vwa mirikilie yenyu kwakwe. 13 Heikyo nnamulomba munaherwa kwa vundu vwa mavwasi ghakwa vundu vwenyu. Igha ni hena vurwe vwenyu. 14 Kwa vunduvu nnakava magoti kwa Papa. 15 Kwakwe kila mbare kaghu na hena ithanga liileghwe rina. 16 Nnalomba kuu airime ivatinisha, ifumana na vuthuri vwa vurwe vwakwe, amuirimishe kwa nguju naimudindisha iiria mbeho wakwe, akevoshi yenyu. 17 Nnalombaku Kristo aikae voshi ya ngoo yenyu, liria miirikilie. 18 Nnalomba ku muve na kithina na mthingi we fura lyakwe. Muikae hena ifura lyakwe netha muirime imanya, handu hamwi na voshe vairikilie, fundu vupana na vwacha, na kimo naifura lyacha lya Kristo. 19 Nnalomba ku mumanye vurwe na ifura lya Kristo lyia likelele imanya. Muhirefi netha muichurwe vumanyi voshe vwa Ruva. 20 Na luvaha kwakwe weka ahira kila kindo, ikela vyoshe nfwafilomba na iririkana, liria nguju yakwe ichihira ndima voshi yeru, 21 kwakwe we vurwe voshi ya kanisa na hena Kristo Yesu hena mbare thoshe telele na telele. Amina.