Waefeso 2

1 Thafundu mlevie waghepfwa hena ikothea na thambi tenyu. 2 kilevie hena igha iku kuvoka mleghendia hamwi na mifiri ya ithanga li, mlevie mkighenda kwa imuivaria mghereria wa nguju ya kaghu. Ii niyo ngoo yakwe nya achihira ndima hena vana vakondekie. 3 Ifwe voshe iho kuvoka vule kimu kimwi hamwi na varamwichi Ruva. Fulechiiria macha mavichwa gha miiri yeru Fughevie fukihira ifura ya miiri na imanya yeru. Tangu ighinwa yeru fule vana va idinga ya Ruva tha vengi. 4 Mira Ruva aghire mbonea ikelele hena ifufura ifwe kirwe. 5 Mifiriri iya fulepfwie anghefuendie hamwi hena mwiri msha voshi ya Kristo. Ni kwa mbora yakwe mukirirwe. 6 Ruva afuvutirie handu hamwi na ifuvika fuikae hawi fuikae hamwi kaghu voshi ya Kristo Yesu. 7 Alevikie kui kimetha mifiri ichie airime ifuvonye sha vuthiri vuiwe hena mbora yakwe, Achifurora ifwe iki kwa njia ya vucha vwake voshi ya Kristo Yesu. 8 Kwa mbora mukirirwe kwa njia ya miirikilie. Na ii ifumiyo kweru. Ni thawadi ya Ruva. 9 Kifumenekyo na mihiro matokeo ghakwe, hanaghira umwi wenyu waikutumbisha. 10 Hena ikyo ifwe fu ndima ya Ruva furumbiwe hena Kristo Yesu fuhire mihiro micha. Ni mihiro ii ngeyo Ruva alevikie to kala na kala fundu fweru, netha fughende hena ifyo. 11 Hena ikyo kumbukenyi ikuiho kala mlevie vandu va kiithanga kwa njia ya mwiri. Muailaghwa. Varariniwe kwa kiya kiailaghwa irinwa ya kimwiri lihirirwe kwa mavoko gha vandu. 12 Hena mifiri iyo mulevi kiwe kuwa na Kristo. Mle jaghen yi hena mbare ya Israeli. Mle vaghenyi hena ndaghano iyakwe. Muleichimwe kyaghemufumia ipfo mothia. Mle varaghire Ruva hena ithanga. 13 Mira hivaha hena Kristo Yesu ipfo kala imwe mleke kua na Ruva mndeendwe haghwihi na Ruva kwa ndhakami ya Kristo. 14 Kwa ikyo we niwe mborere yeru. Alevikie vavi iva umwi. Kwa mwiri wake ateukondie uvagha wa vura vwarana nghetho ulefuvikie kua na kua vuvichwa vo. 15 Iku alemalilie sheria ya maamorona kanuni kimetha achembe mndu umwi msha voshi yakwe. Akanira mborere. 16 Akahira kui kimetha ighachembea mafungu avi gha vandu iva mwiri umwi kwa Ruva iiria mthalaba. Kwa njia ya mthalaba akavwa gha vavichwa. 17 Yesu aghechie na irera mburita mborere kwenyu imwe mughekekua na mborere kwavo vaya vagheke haghweihi. 18 Kwa liya kwa njia ya Yesu ifwe voshe vavi vughire nafathi kwa Mbeho uya umwi iingia kwa Papa. 19 Hena ikyong'u imwe vandu va mathanga mu vandambo mwena vaghenyi he. Mira ni venyenyeji hamwi na vaya vaghetengiwe kwa mburi ya Ruva na vagherumwa hena nyumba ya Ruva. 20 Muaghiwe kaghu ya msingi wa Varumwi na manabii Kristo Yesu weka alevie ighwe irwe ya mbarinyi. 21 Hena we ijengo yoshe livwananishirwe hamwi na ileha tha hekalu voshi ya Mndumi. 22 Ni voshi yakwe imwe namwe muaaghwa hamwi hena handu he ikaa ha Ruva hena Mbeho.