1 Vana muvaichwe vathima venyu hena Mndumi, kwa ku kwii niyo keni. 2 "Umwiichwe ndio na mao wapfwo" (Ang'u ili niyo iamoro ye voka lighire ndaghano), 3 "Kimetha kive keba kwenyu na muirime ikaa maisha macha hena ithanga." 4 Na imwe ko baba, munava vaghekumbia vana venyu na ivavika vakwewe ni iding'a hena kwio muraleshe hena marunge na maamoro gha Mndumi. 5 Imwe vathoro, munakukwera mothia ya vamangi venyu va iha ithangenyi mughire shima ndwe na idedema kwa iyofoha ifuma hena ngoo tenyu. Mukudue kwavo tha fundu muchikudua kwa Kristo. 6 Ikudua yenyu linava du haya vamangi venyu vamu vone kimetha mufurwe. Hena kwio muve vaghekudua tha wathoro va Kristo. Ghirenyi vumbie na Ruva ifuma ngoonyi kwenyu, 7 vahirirenyi kwa ngoo yenyu yoshe, kwa ku mmwamhirira Mndumi na wala thi wandu vo, 8 kikyamutara imanya ku hena kila kindo kicha mndu akyahira, areta thawadi ifuma kwa Mndumi, kole ni mthoro hang'u mdu huru. 9 Na imwe vamangi hirenyi kwiokwio kwa vathoro venyu Munavakangisha mkimanya ku we ngewe Mndumi wa voshe ni wia ake kaghu kwa Ruva. Mkimanya ku haghire kyefurwa voshi yakwe ho. 10 Henakwio, mughire nguju hena Mndumi na hena ndhinya thakwe. 11 Raenyi thilaha thoshe tha Ruva, kimetha muirime imka kinyume na viafia fya shetani 12 Kwa ku ira fyeru thi fya ndhakami na nyama, mira ni vira fyekavana na vufumwa na mamlaka gha ngoo na vafumwa vwa ithanga ya ndhune na mma, dhidi ya mbeho mchafu hena thehemu za kaghu kwa Ruva. 13 Hena ikyo, raenyi silaha toshe ta Ruva kimetha muirime imka na nguju ye mkela shetani hena igheri liya ndhune. Mukammalia kila kindo mkenyi mudindie. 14 Henaikyo mkenyi mudindie. Hirenyi kwii mukamipfunga ngana hena keni na haki mbafu. 15 Hirenyi kwii ukiva muree utayari marendenyi ghenyu na murere injili ya vumboa. 16 Hena kila hali mutike ngao ya miirikirie ngeyo yakuirimisha ithima mifwi ya wia mbichwa. 17 Raenyi kofia ye kirwa na upanga wa mbegho mcha, ngeo kirero kya Ruva. 18 Handu hamwi na maombo na dua. Lombenyi kwa mbegho mcha kila igheri kwa kanuni ii muve mitho kila mfiri kwa irimilia mnu na ilomba vundu vwa vwoshe va mwinehi Ruva 19 Lombenyi vundu vwa kwa kimetha ninikwe ujumbe nikivughua mumu wakwa. Lombenyi ku nimanyishwe kwa nguju ukweri ukuthughene wa injili. 20 Vundu vwa injili inyi ni balothi nipfungiwe makube, kimetha voshi kwavo nirere kwa nguju fundu nnaichwa irera ngoonyi kwakwa. 21 Mira na imwe mumanye mambo ghakwa na fundu nnaghatika, Tikiko weru wakwa nimfurie na mthoro mgheria mma hena Mndumi, amuvia kila kindo. 22 Nirumiwe kwenyu na mburi imki, kimacha mumanye mburi ntafumanyisha ifwe, fuirime imutuja ngoo tenyu. 23 Mborere iikae kwenyu veru woshe na lukundo hamwi na miirikilie ifuma kwa Ruva Papa na Mndumi Yesu Kristo. 24 Mbora na ikae kwenyu voshe mumfuria Mndumi Yesu Kristo kwa ifura lia lirakachefwe.