Sura ya 3

1 Kole ne Ruva andevavutdha hamwi na Kristo, shighenyi findo fya kaghu handu Kristo achiikaa kuvoko kwa kumndumi kwa Ruva. 2 Ririkanenyi findo fya kaghu, thi fya ithangenyi fyo. 3 Kwa ku muphwie, na miikalie yenyu ithughenwe hamwi na Kristo hena Ruva. 4 Igheri Kristo akichevoneka, nkhewe miikalie yenyu, niho na imwe mwachevonekana niwe hena ngatho. 5 Hena ikyo vwaghenyi findo fiya fike ithangenyi, nitha ngwina mbichwa, ishinda, uchafu, mhayohayo mvichwa, ngoo mbichwa, mhayohayo ngheyo itatha mirungu ingi. 6 Hena vundu vwa mihiro iding'a ya Ruva yacha hena vana varachiichwa. 7 Hena vundu vwa findofi nngefyo na imwe mleeiririe igheri mkiikaa hamwi navo. 8 Mira luvaha ni mithari muvutdhe findo fyo fyoshe thaku iding'a ya Ruva, iding'a, ngoo mbichwa, ikonda, firero fivichwa fichifuma nena myumu yenyu. 9 Munalembana imwe kwa imwe kwa ku mundefunya mndu wa kala na mihiro yakwe. 10 Munderaa mndu mhya righewe achighoshwa msha hena ifumana na fwanyanyi ya uya amuchembie. 11 Hena fiavya fi haghireho myunani na myahudi, irinwa na irarinwa, athomie na arathomie, mthoro na there mthoro, mira kivuugi kyakwe Kristo ni fyoshe hena fyoshe. 12 Tha vathaghuriwe va Ruva, vaelesherwe na vafuriwe, kuraenyi ngoo njicha, inikia, ikughatdha, vuhoo na irimilia. 13 Tikianenyi kila mndu na urwee. Kole mndu aghire kindo na mndu ungi amreghie, tha fundu mndumi nawe amuregherie imwe. 14 Kindo kyakela ifi fyoshe, mughire ifurana nghelo kipimo kyemalilia. 15 Mborere ya kristo imuthongolie hena ngoo tethenyu. Nile vundu vwa mborere i iku muleilaghiriwe hena mwiri umwi. Mughire nahavache. 16 Na kirero cha Kristo kiikae kwenyu hena vuthuri. Kwa kiugho kyoshe fundishanenyi na iviana imwe kwa imwe kwa ithumo, nyimbo, na nyimbotha ngoonyi. Imbenyi kwa nahavache ya ngoo tdhenyu kwa Ruva. 17 Na kyokyoshe mmwahira, hena firero hang'u mihiro, hirenyi fyoshe hena irina lya Mndumi Yesu. Mumnike Ruva Papa nahavache imwiria we. 18 Vaka mukugatdhe kwa vomi venyu, tha fundu kike kwa Mndumi. 19 Na imwe vomi, vafurenyi vaka venyu munavavia vakai. 20 Vana muvaichwe vaghemughira venyu hena findo fyoshe ang'u nifwo fundu Mndumi afurie. 21 Ko ndio, munavachokotha vana venyu netha vanavwia na nyuma. 22 Vathoro kugatdhenyi kwa vamangi venyu hena findo fyoshe kimwiri neri thi kwa mihiro ya mitho du tha vandu venulitha du mira kwa ngoo ya kweri. Muovohenyi Ruva. 23 Kyokyoshe mwahira, hirenyi ifuma ugoonyi tha kwa Mndumi na thi kwa vandu vo. 24 Muichi ku mwacheghuhia thawadi yerithi ifuma kwa Mndumi. Ni Kristo Mndumi nghewe mumwamhirira. 25 Kwa iku wowoshe achihira there fya kitea acheghuhia ifweteremea kwe mihiro there ya kitea ahirire na haghireho upendeleoho.