1 Niashingha mumanye fundu niikee hena bhasi wingi kwa ajili yenyu kwa bhandu vake Laodikia na kwa bhoshe bharanavona chani chakwa hena mwiri. 2 Nna hira ndima netha ngoo yabho itundane kwa iende handu hamwi kwa ifura na bhuthuri kabisa, henaimanya findo fyoshe ifya Rubha angu ni Kristo. 3 He nawe findo fyoshe fithie nghenwe hena hekima yakwe. 4 Nnarera kwii kwa mndu wowoshe ana birikira findo fye mulemba. 5 Hatakole therake naimwe kimwiri mira nikera imwe kingoo, nikicha nikivona fundu muvikie findo vyenyu kindo kicha na imani yenyu hena Kristo. 6 Fundu mumpokeria Kristo mndumi irenyi henawe. 7 Mubume hena we munaghe hema ang'u muke hena imani handu mloshirwe na kufungwa hena shukurani nyingi. 8 Mulolie mdu wowoshe anamdegha hena findo fyakwe na firero firahire kindo niilembwa fundukukwa fiirikia fundu ithanga licheghenda thitha Kristo yo. 9 Henawe ukeri woshe wa Rubha uchiikaa hena mwiri wakwe. 10 Namwe muichurirwe henawe ni we mru wa kila kindo mpaka kifumwa. 11 Henawe mleriniwe hena tohara irahirirwe ni bhandu hena ibhutwa mwiri wa nyama ang'u ni tohara ya Kristo. 12 Murikiwe hamwi nawe hena ichembewa kwa irira ya miirikilie hena we, mufufuke kwa nguju ta Rubha amufufurie ifuma kwa bhafwie. 13 Mukinafwe hena mabanu ghenyu naitekwa irinwa kwa miiri yenyu akamu kira hamwi nawe na ifu reghea nzune teru. 14 Akabhuta akima toshe te labhiwa tiheandikiwe na mighendie igheke kinyume na ifwe. Ale ibhutire yoshe naiituua msalabani. 15 Alebhutire nguju na nzinya. Alebhikie mwaji na ibhika ghabhe gathuye kela kwa irari ya msalaba wakwe. 16 Henaicho mndu wowoshe anamunyanyiria imwe hena iya kana hena inywa kana mifiri ya ngathu kana miri misha kana mifiri ya Sabato. 17 Ifi ni finje vya findo fichie kingoo ni Kristo. 18 wowoshe anathokwa mara mecha kwaifunukwa ibha mhoo na kwa itatha kwa bhaghire nguju mmdu wa mbareyo achi gheingia hena findo afibhonire na fimghomurie hena mrwe wakwe na mwiri. 19 We achibhwarilia mrwe. Niifuma hena mrweku mwiri woshe uchiiria hena nyingo takwe na maghua ghabherene na ibhwaranithwa handu hamwi na inyanyiriwa kwa ifunywa kwa Rubha. 20 Kole mufwie hamwi na Kristo kwa mighendie ya ithanga mbona muahira tha bhaisanga: 21 "Munabhwara, na ikomba, ma ibalia"? 22 ifi fyoshe fireriwe kwa bhwundu bhwa mfiri uya uchie kwa mahiri roghe fuma hena mburi na iloshwa ya bhandu. 23 Sheria ti tihire kario ngo ta dini tichembiwe kwa ubinafsi na bhuhoo nabhwathi bhwa mwiri. Lakini tighireto mhayohayo hena mwiri.