Sura ya 4

1 Hena ikyo, kwa ku fughire huduma i, na tha fundu fughuhirie mbonea fuchileghela fwe. 2 There kwio, fundelegha njia tdhose tdha iraghwa na tdhikuthughene. Fuchiishi kwa ipato fwe na fuchitumia uvichwa fwe kirero kya Ruva. 3 Mira kole injili yeru ikuthughene, ikuthughene hena vaya vakyareka. 4 Hena ithaghura yavo, mrungu wa ithanga li andevwagha imanya yavo lirakyairikila. Matokeo ghakwe, vairimavo ivona kilanga kwa injili ya ngatho ya Kristo, nghewe fwanyanyi ya Ruva. 5 Kwa ku fuchikurera fweka fwe, mira Kristo Yesu tha Mndumi, na ifwe fweka tha vandima venyu hena vundu vwa Yesu. 6 Kwa ku Ruva niwe nghewe arerie, "Kilanga kyachemwika ifuma mmenyi." Andemwika hena ngoo tdheru, ifunya kilanga cha kiavya kya ngatho ya Ruva hena ivaya Yesu Kristo. 7 Mira fughire hazina i hena fyombo fya ivumba, netha kimanyike iku nguju ndue mnu ni ya Ruva na thi yeru yo. 8 Fufwaya vwathi hena kila hali mira funathi thimwa fwe. Fufwavona mashaka mira fuichue fwe ivura ikuji. 9 Fufwalithwa vwathi mira funarichwa fwe. Fufwakavwa mbai mira fufwaretdhwa tosho fwe. 10 Mifiri yoshe fufwavava hena miri yeru kiphfwa kya Yesu, netha ku ngalamo ya Yesu uvo neke hena miri yeru. 11 Ifwe fuke na moo mifiri yoshe fundefunywa fuphfwe vundu vwa Yesu netha ku moo wa uvoneke hena miri yeru ya kivandu. 12 Hena vundu ivwo, kiphfwa kiyahira ndima voshi heru, mira moo uwahira ndima voshi yenyu. 13 Mira fughire ngoo iya iya ya miirikilie ianana na kiya kiandikiwe: "Niirikilie, na kwio nikarera." Ifwe nafwe fuirikilie, hena ikyo fufwarera. 14 Fuichi iku uya amvutdhire Mndumi Yesu achefuende ifwe na imwe hamwi hena iva yakwe. 15 Kila kindo ni kwa ajili yenyu netha ku kwa kadiri vundu neema iyarita kwa vandu vengi, nahavache tdhiongereke hena ngatho ya Ruva. 16 Hena ikyo fuchileghela fwe. Hata kwio kwa bwang'a fufwalala, kwa voshi fufwaghoshwa vasha mfiri kwa mfiri. 17 Hena igheri li ighwihi, mavwathi gha rahisi ghakyafuchembea ifwe kwa ajili ya telele ya ngatho ikelele fipimo fyoshe. 18 Kwa ku fufwalolea fwe findo fiye vichivonwa, mira hena mburi ya fuja firachivonwa. Findo fuchiirima ifivona ni fya igheri idu du, mira findo fiya firachivonwa ni fya telele.