Sura ya 3

1 Niavetha, fundedunga he ikutumbisha fweka? Fuashighafe barua ya kirero kya fundu imwe mughefurie kana ifuma kwenye, mira vandu vengi hena ivo, niavetha fuashigha? 2 Imwe mweka ni barua yeru ya kirero kyafundu imwe mughefurie, ileandikiwe hena ngoo teru, imanyikie na ithomwa ni vandu voshe. 3 Kangi muarora iku imwe ni barua ifumie hena kristo, ifunyirwe ni ifwe. Ileandikiwe there wino mira, hena mbeho wa Ruva akei. Liandikiweyo kaghu ya fyamu kya ighwe, mira kaghu ya fyamu fya ngoo vandu. 4 Ii niyo nguju fughire hena Ruva iiria Kristo. 5 Ifwe fweka fuajiaminife hena ilavia chochoshe mira ifuma kweru. There kwiyo, ikuamini kweru kuafuma hena Ruva. 6 Ni Ruva ngewe afuvikie fuirime iva vathoro va ndaghano hya. Ii ni ndaghano there ya barua mira ni ya Mbeho. Hena icho barua ichivwagha, mira ngoo ichifunya uhai. 7 Luvaha ndima ya kipfwa iya ighechongiwe hena herufi kaghu ya maghwe ilechie hena fundufwa ngatho iku vandu vya Israeli valolerievo kamwi na kamwi hena kyamu kya Musa. Ii ni kwa liya ngatho ike hena kyamu kyakwe, ngatho ngeyo ithirie nguju. 8 Niavetha, ndima ya Mbeho yavayo na ngatho ndue mnu? 9 Hena ikyo huduma ye nyanyiriwa nile ngatho, ni kando kalinga huduma ya kitea ikelele mnu hena ngatho! 10 Ni kweri ku kiya kilevikiwe ngatho kuvoka kighirecho ngatho he hena shima ii, hena ngatho ithidie. 11 Hena ikyo kole kia ngecho kileiria kilevie ni ngatho, ni kwa kiathi kiki kikelele kia ngecho che ikaa chava ngatho. 12 Hena ikyo kuyo fuajiamini, vughire nguju mnu. 13 Fukefe tha Musa, alevikie utaji kaghu ya kyamu kyakwe, netha vandu va Israeli vanairima imlambua kamwi na kamwi hena ithililia ya ngatho ngeyo ileareka. 14 Mira imanya yavo lipfungiwe. Mhaka mifiri ii utaji luyaluya luaregha kaghu ya vaghethoma va ndaghano ya kala. Inavikwayo mwaji, hena ikyo ni hena Kristo weka iyavutirwa kua. 15 Mira hata ithanya, mfiri wowoshe Musa akyasomwa, utaji uleikee kaghu ya ngoo tavo. 16 Mira mndu akighaluka kwa Mndumi, utaji wavutwa. 17 Luvaha Mndumi ni Mbeho. Handu haghire Mbeho wa Mndumi, haghire uhuru. 18 Luvaha ifwe voshe, hamwi na fyamu firavikiriwe utaji, huvoni ngatho ya Mndumi. Fuaghatutwa voshi ya ivonekana liyaliya wa ngatho ifuma shahada imwi ya ngatho ighenda ingi, mira ngefo ifuma hena Mndumi, ngeye Mbeho.