1 Hena ikyo nileamurie hena ifungu yakwa njeka ku thinachehe he kwenyu hena ulumwi. 2 Mira inyi nilevathababishirie ivaviwa, ni itho agheichwakicha hena inyi, mira uya ngewe aleumithirwe ni inyi? 3 Nileandikie tha fundu nilehirire kimetha mifiri nikicha kwenye thina irima ivaumitha na vaya ngevo vagheima injivika ninuliwe. Nighire nguju hena imwe voshe iku inuliwa yakwa live tha liya liya mlighire imwe voshe. 4 Kwa ikyo nilevaandikirie imwe ifumana na matetho marwe, na iluviwa hena ngoo, na kwa mithori mingi. Thishighie imuthababishira imwe ivaviwa. There kwiyo, nileashigha mumanye ifura ya voshi iyo nilighire hena imwe. 5 Mira kole wowoshe athababishire ivaviwa, athababishire du kwakwa, athababishire du kwakwa, mira kwa kiringanyo kilive - haraghire ivika vukai mnu - kwenyu imwe voshe. 6 Athabu ii ya mndu itho kwa vengi itoshere. 7 Hena ikyo luvaha there athabu, muashighwa imreghea na imtuja. Vikenyi kwiyo netha aherwe ivakela ivaviwa ni ngoo ikelele. 8 Hena ikyo niashigha ngoo tenyu tidindishwe hena ifura yenu mothia ya vandu hena we. 9 Ii niyo thababu nileandikie, netha niirime ivaghera na imanya iku muairania na iivaria hena kila kindo. 10 Mira mkimregheya wowose, na inyi namreghea mndu tho. Kiya nikiregherie - mira nindekireghea chochoshe - kindereghewa kwa faida yenyu hena iva ya Kristo. 11 Ii ni ku Shetani anacha akafuhirira findo fyelemba. Kwa liya ifwe fu mafire fwe hena mipango yakwe. 12 Kyoti kilerughuliriwe kwakwa na Mndumi nikinache hena mri wa Troa ibirikia injili ya Kristo kuya. 13 Hena kwiyo, thighirenyi mborere hena ngoo, kwa liya thimkolerienyi mndughu wakwa Tito kwiya. Hena ikyo nilevareghie nikarwia Makedonia. 14 Mira nahavache Ruva, ngewe hena Kristo mifiri yoshe achifutika ifwe hena ikela. Iiria ifwe mbungo njicha ithembee ye manya na ielewa handu hoshe. 15 Hena ikyo ifwe kwa Ruva, ni mbungo njicha hena Kristo, voshe hena vaya valekirirwe na hena vaya vakryareka. 16 Hena vandu vaya vakyareka ni mbungo ifumie kipfwa ighenda kipfwa. kwa vaya vakyakirwa, ni mbungo njicha ifumie ikia ighenda ikia. Ni itho kimvaie vindo fi? 17 Hena ikyo thi ifwe mira vandu vengi vakyakumba kirero cha Ruva hena faida. There kwiyo, hena iele nia, fuarera hena Kristo, mira fia fukiyarumwa ifuma hena Ruva, mothia ya Ruva.