1 Ku mugherimiliana niyaririkana kui mugheri miliana na inyi hena ufire lu. mira hena keni muarimiliana na inyi. 2 Kwa liya nighire funu hena imwe. Nighire funu ya Ruva hena imwe, idungia nikina muahidi imwe hena ndoa ya mmi umwi. Nileahidie ivaende imwe hena Kristo hirio ielie. 3 Mira niaovoha iku haghire fundu, thafundu njoka alemlembie Eva kwa kya chakwe, maririkano ghenyu ghaairima iretwa kua ifuma hena itatha yeni kangi lielie hena Kristo. 4 Kwa liya hena mfano u mndu mlive akacha na irera Yesu ungi there uya fumubirikirie. Kana mfano mkaghuhia mbeho ungi there uya mlempokerie. Kana hena mfano mkaghuhia injili ingi there iya mleighuhirie. Mkarimilia findofi nikicha itoshere! 5 Kwa liya niafikiria iku inyi thi hamwi navo vake thinyi, hena ivo vachiilagha varumwi-vecha. 6 Mira kole inyi thirafundishirwe hena ifunya hotuba, thikenyi hena kyavia. Hena kye fundu na hena findo fyoshe fundelihira netha limanyike kwenyu. 7 Ni avetha, nilehirire thambi kwa ikudua njeka netha imwe muirime ivutirwa? Kwa liya nilebirikirie hena uhuru injili ya Ruva kwenyu. 8 Nilethokia nyumba nyingi ta Ruva ighuhia lughenjo lufumie kwavo netha iku nigheirima ivatumikia imwe. 9 Mifiri iya nileke na imwe nileke hena ishigha lughenjo, thi mlemerienyi wowoshe kwa liya ishigha yakwa lile maliliwe niva ndughu valechie ifuma Makedonia. Hena kiya kindo nikuthuilirie njeka vurava mjigho kwenyu, kangi niaendelea ihira kuyo. 10 Kole keni ya Kristo thafundu ike voshi yakwa, ikutumbisha kwakwa, haghireho arima injifanya nitie he pande ta Akaya. 11 Ni haniki? Kwa liya thirava furie? Ruva aichi iku nivafurie. 12 Mira kiya nikiyakihira, nakihira he. Nakihira netha niirime iringilia kapengere ka vaya vaghire macha hena kapengere ya ku kole fundu fukei hena kiya kiya vakya kubaha nacho. 13 Kwa liya vandu vaya ni varumwi vya mongo na vahiri ndima vachilemba. Vaakughaluta voka tha varumwi va Kristo. 14 Na ii iyafumakishayo, kwa liya hata Shetani achikughaluta weka iva malaika wa kianga. 15 Ii ighireyo imaka irwe ang'u varumwi vakwe he vachikughaluta voka tha varumwi vya kitea. Ithia yavo yava tha mihiro yavo tha vundu kivavaie. 16 Niarera he: Bathi hanaghira mndu wowoshe akyaririkana iku inyi ni ifire. Mira kole mkihira, njiondoi enyi inyi tha ifire netha niirime ikutumbisha kadu. 17 Kiya ngechoniarera kunu thiaovohanyi hena ikubaha kwanyanyirishwako ni Mndumi, mira niyagaya tha ifire. 18 Kwaku vandu vengi vachi kubaha tha fundu vwa mwiri, nakubaha kangi. 19 Kwa liya mndeondoleana hena inuliwa na mafire, imwe mweka mughire kiugho! 20 Kwa liya muaondeleana na mndu kole akikuvika hena vuthoronyi, ikyo kichithababisha ighavanyika maghari yenyu, mira akivavika imwe muhire hena faida yakwe, kana akikuvika kaghu mailwi nyi, kana akivakava kyamu. 21 Narera hena iraghwa yeru iku ifwe fwava vashokeri mnu ihira kuyo. Na kangi kole wowoshe akikubaha -- niagaya tha ifire -- inyi kangi na kubaha. 22 Navetha, vo ni Vayahudi? Na inyi thavo. Navetha, vo ni Vaisraelu? Na inyi thavo. Navetha, vo ni vambare ya Abhamu? Na inyi thavo. 23 Navetha, vo ni vathoro va Kristo? {Narera tha atoliwe ni kariongo takwa.} Inyi ni kelie. Nindeva hena ndima nguji ikelie, kua ikela yeva kipfungonyi, hena ikavwa likelele, hena irikia ndenga fwa ta kipfwa. 24 Ifuma he Vayahudi nighu hirie kando katanu "Nikaviwe mikavie makumi ana ivuta limwi." 25 Kando kararu nikaviwe kwa ndhata. Kando kamwi nile kaviwe maghwe. Kando kararu nikilirie mbanga melinyi. Niikee kio na mthaghari hena bahari mwaji. 26 Nindeva hena ndambo kando kengi, hena ndenga ta mifo, hena ndenga te ikaa na vandu vavichwa, hena ndenga ta vuraikaa na vandu vyakwa njeka, hena ndenga yefuma hena vandu va ithanga, hena ndenga ya mri, hena ndenga ya handu harachivuka kindo, hena ndenga ya bahari, hena ndenga ifuma na na vandughu va mongo. 27 Nindeva hena ndima nguji na hena maisha makuji, hena kio kyacha wa vuralaa, hena njaa na laka, kando kengi hena ikuima kijo, hena mbeho na ruhu. 28 Kua na kindo kingi, haghire mshuhkumo wa hena mifiri kaghu yakwa na mnekoneko mburi ya nyumba ta Ruva. 29 Niitho ngewe mshokeri, na inyi thi mshokeri nyi? Niitho athababishire ingi ighwa thambinyi, na inyi thiashanyi voshi? 30 Kole haghire lathima nikubahe, nakubaha hena kiya kiavonyesha vushokeri vwakwa. 31 Ruva na Papa wa Mndumi Yesu, we ngewe akathwe telele, aichi iku inyi thichilembanyi. 32 Kuya Dameski, mrwe wa mkoa thinyi ya mangi Areta aleke akiuria mri wa Dameski netha vanjivware. 33 Mira nilevikiwe kikapunyi, iria idirishenyi hena uvagha, nikakiliambanga ifuma mavokonyi ghakwe.