1 Ni mithari nikukwere, mira haghire kyo kyaongerwa ni ikyo pho. mira naendelea hena maono na irughuliwa ifuma kwa Mndumi. 2 Niichi mndu umwi hena Kristo ngewe miaka ikumi na ina iirie ngewe-- akiva hena mwiri, kana bwang'a ya mwiri, inyi thiichinyi, Ruva aichi-- alebekuliwe kaghu hena ilwi ya kararu. 3 Na niichi ku mndu u-- akiva hena mwiri kana bwang'a ya mwiri, inyi siichini, Ruva niwe aichi-- 4 aletikiwe kaghu mpaka paradiso na akaichwa findo fielie mnu kwa mndu wowoshe ifirera. 5 Hena vundu vwa mndu tha itho nakubaha, mira mndu tha inyi njeka thikakubahe nyi. There ku ihusu vushokeri vwakwa. 6 Kole ngashigha ikubaha, thiveva ifirenyi, kwa ku niveva na ninaghamba keni. mira naleka ikubaha kimacha hanaghira wowoshe aghenjidunganya mnu ikela kwio ikela kiya kikyavonwa voshi yakwa kana iiraniwa ifuma kwakwa. 7 Sikakubahenyi kangi kwa vundu vwa mirughuliwe yo ya kirumo. Henaikyo sikaichue tiri, mfwa uvikiwe voshi a mwiri wakwa, mrumwa wa Shetani unjishambuliw inyi, kimacha thinaghaluka nikaghira ikubaha. 8 Kando kararu nimtere vie Mndumi vundu vwa kindoki, kimacha we auvute ifuma kwakwa. 9 Nawe akanjivia, "Mborere yakwa itoshere vundu vwapho, kwa ku nguju ichembiwe ive kamili hena vushokeri. Henaikyo nivenafura mnu nikukwere mnu ihusu vushokeri vwakwa, kimacha nguju ya Kristo iirime iikaa kaghu yakwa. 10 Henaikyo ndetinirwa vundu vwa Kristo, hena vushokeri, hena iimbiliwa, hena vwathi, hena ilithwa vwathi, hena hali ya masononeko kwaku igheri nge mashokeri, kengi nighire nguju. 11 Inyi ndeva ifire! imwe munjilathimishire hena iki, kwa ku niretumbishwa ni imwe. kwa ku sive mndu mnu nyi henaivo vailaghwa mitume-- bora, hata kole inyi thi kindo nyi. 12 Luvengo lwa keni ndume luhirikie maghari yenyu thena irimilia yenyu, luvengo na firumo na mihiro mirwe. 13 Kwa namna njiki mulevie va umuhimu wa thinyi ikela makanitha ghareghiwe, there kuthile mjigho kwenyu nyi? Munjireghie hena ikosa li! 14 lambua! inyi nighuri icha kwenyu kakararu. Sikave mjigho kwenyu, kwaku sithashigha ngekyo kyenyu nyi. ninamushigha imwe. Kwa ku vana vachishighwa voo wika akiba kwa vundu vwa vaghevaghira. There ku vaghevaghira nivo vachishighwa vavikie akiba vundu vwa vana. 15 Nakuichwa kicha ikela itumia na itumiwa hena vundu vwa ngoo tenyu. Kole nimufurie ikela, kinjivaie mujifure kadu? 16 Mira fundu kikei, thimurukirenyi mjigho. Mira kwaku inyi nikagharie mnu, inyi ni uya avemuvwere imwe ang'u niveva ngewe amuvonire kwa ilembea. 17 Kana niondorie hena njia yechemba faida hena we nimrumie kwenyu? 18 Nimlombie Tito ache kwenyu, na nirumie mndughu ungi hamwi nawe. Kana Tito amulighirie fyenyu? Kana fughenderie njia iya iya fwe? Kana fuivere njia iya iya yo? 19 Mumwadhani kwa igheri loshe ili fuvefwakukania ifwefweka kwenyu? Mothiya ta Ruva, na hena Kristo, fundeva fwarera kila kindo kimacha fuirime imudindija imwe. 20 Kwaku ninaovaha ku nikichevia nairima inamukolea imwe tha fundu ninashigha. Naovoha ku hairima ighira ngani, lwiitho, ikanana, macha ghe kufura kweka, ikondana, tiri na ilwa. 21 Niovohie ku nikighe vwia he ruva wakwa airima injiduishe mothya yenyu. Nina ovoha ku nairima ma itenywa ngoo ni vengi vaghwie hena thambi nyuma ya luvaha, na gevo varanatubu uchafu, na shinde na findo fya macha mavichwa vakyafihira.