Sura ya 3

1 kwa lia furagheairima iri milia mnu, fuka dunganya iregha kwia Athene fweka. 2 Fuka mruma Timotheo mthoro uroo wa Rubha hena injili ya Kristo ili ibhadindishe naibha dindishe he imani yeru. 3 Fuhirire kwio ili hanaghira wowoshe abhia na nyuma ifumana na bhathi bhu, walia muichi u futhaghuriwe hena kindoki. 4 Keni wakati fuke hamui na imwe fughe thongorie imubhia ku fuke hagwihi ipata bhathi. 5 Kwalia thiragheairima iri milia he nikaruma ili ni manye ku imani yenyu ikekwi, ngetha mghedegha agheamghera, na ndima yeru ikabha vwia. 6 Mira Timotheo aghechie kweru ifuma kwenyu akafuendie mburi njicha kaghu ya imani yenyu kwa ifura yenyu. An'gu fubhiriwe mughire kumbukumbu njicha kaghu yeru, ku namwe mugheashigha ifubhona thandu naifwe fufwashi gha imubhona imwe. 7 Heicho weru fukuchue kicha mnu naimwe hena imani yenyu, hena bhathi ha ilitha bhathi vweru. 8 Kwa lubhaha mumke kindo kicha hena mndumi, 9 Heicho fumnike Rubha iki bhundu vwenyu, kwa iichwa kicha mothia ya Rubha kaghu yeru? 10 Mfwa lomba mnu kio na mthaghari ili fuirime ibhona kyamu kyenyu na ibha ongerera na kiduikie hena imani yenyu. 11 Mrungu weru Papa aghire findo shoshe na mudumi weru Yesu afuthongolie, hena irira yeru fufike kwenyu. 12 Na mndumi amuongere na imukelesha hena ifura mkifurana na ibhafura bhandu bhoshe handu mfwa muhin'ra imwe. 13 Naahire kwii ili imarisha ngoo teru tibhe ntagholelato minyu hena utakatifu mothia ya Rubha weru Papa weru hena mndum Yesu hamwi na bhatakatifu bhake bhoshe.