Sura ya 2

1 Kwaku imwe mweka mwiichi, weru, kuicha lyeru kwenyu thile wia yo. 2 Mwiichi ku kuvoka fulelighie vwasi valefuhiririe kwa irawa kwia Filipi, fundu muichi. Fuleghire nguju hena Ruva irera injili ya Ruva hata hena vwasi vungi. 3 Kwalia firero fyeru firakyafumana na uvichwa, wala hena uchafu, wala hena makombere. 4 Kivungi kyakwe, safundu fuirikiliwe ni Ruva nairikiwa hena injili ni fundu nfwagaya. Nfwarera thihena mulitha vandu, mira niimnulitha Ruva. weweka niwe achilolea ngoo theru. 5 Heikyo futunirie firero fye kufakaka sha fwe, kana (fyekukwera) magheri ghoshe fundu mwiichi, nanga itumia firero wala ilembea kwa ngwina, Ruva ni shahidi weru. 6 Nanga fuivaririe vurwe vwa vandu, nanga ifuma kwenyu han'gu kwe vengi. Fuveirima ishigha ipendelewa tha mitume va Kristo. 7 Kinyume kyakwe fulevahoo kati yenyu fundu mama achivatuja vana vakwe weka. 8 Kwa irira lyii fuleghire ifura kwenyu. fuleghire fuleirikirie washirikishisha thiku ni injili ya Ruva mira miikalie yeru yoshe. Kwaku mundeva vambwie veru. 9 Kwaku veru mukubuku ndima na vwasi vweru. Kio na mthaghari fulechihira ndima kinetha funachecha fukamlemea wowoshe. Kigheri kyo, fukya' vabirikira injili ya Ruva. 10 Imwe mumashahidi, na Ruva nawe nikwavucha vwa mbare njiki, keni, na bila ilaumika fundu fughendie fweka mozia yenyu imwe mwi irikilie. 11 Kwiyo kwiyo mwiichi kunikwia kwa kila umwi wenyu, thafundu papa ake kwa vana vakwe fundu fuvahimithire na imunika ikuji. Fuleshuhudirie 12 kumulekyashighwa mughende fundu iilaghwa lyenyu kwa Ruva, amwiileghe hena vurwe na vumangi vwake. 13 Kwa maanayo nfwamshukuru Ruva kangi kila magheri. kwaku igheri mukipokea ifuma kweru mburi ya Ruva mwiichue, mulepokerie thitha kirero kya vandu. Kinyume kyakwe, mulepo kerietha kenifundu ikei, kirero kya Ruva. Ni kirero nkyahira ndima kati yenyu vagheamini. 14 Henaikyo imwe, veru, muve vandu vaghei varia makanisa gha Ruva ghake hena Uyahudi hena Kristo Yesu. Kwaku naimwe mulighie vwasi hena mambo ghayaghaya ifuma kwa vandu venyu, thafundu kilekei ifuma kwa vayahudi. 15 Nile Vayahudi nivovalemvaghie mndumi Yesu handu hamwi na varoti. Ni vayahudi valefutangirie fufume bwan'ga. Vamnulithire Ruvavo ni vavichwa kwa vandu voshe. 16 Valefuringilirie funarera na vaithanga netha vakirwe. Vundu vwaikyo vakya endelea na thambi thavo. Mwisho idin'ga lyikavachia kwavo. 17 Ifwe, veru fuletania naimwe kwakigheri kiwihii kimwiri, thi hena mbehoyo. Fulehirire kwa nguju theru na macha ivona fyamu fyeru. 18 Kwaku fuleshighie icha kwenyu inyi Paulo kwa kando kamwi na ighari lingi, shetani alifuringilirie. 19 Kwaku ikuamini yeru niiki kwa ifwo mothia, kana inuliwa han'gu taji yekubahia mothia ya Mnduni weru Yesu magheri ghecha kwakwe? Hii imwe si zaidi ya vengi mwe? 20 Kwa lia imwe mumatumbi gheru naiichwa kicha kyeru.