Sura ya 4

1 Hena ikyo kwaku Kristo alighie vwasi hena mwiri wakwe lee, rainyi thilaha ta nia iya iya mndu alighie vwasi hena mwiri andetana na thambi. 2 Mndutho aendelea hewa iishi hena tamaa ta mwiri, mira aishi hena fundu Ruva afurie hena maisha ghakwe ghareghiwe. 3 Kwaku igheri yemeiira lifikie ihira findo vakiithanga vachihira ikonda mari, nia mbichwa, vuengeji, iraighuta - too, ngathuta kingoma, na mitatho ya thanamu tighire thambi. 4 Vachivona ku ni kimako fundu murachihira findofyo navo hena ikyo vakyamurera uvichwa. 5 Vachefunya hethabu kwakwe ake tayari ivalaha wakei na vapfwie. 6 Vundu vwa ikyo injili ilebirikiriwe kwa valepfwieng'u kimetha ingawa vemilahwa hena miri yavo tha vanadamu, kimetha vairime iishi tha Ruva hena mbeho. 7 Mwisho wa findo fyoshe uchie. Hena ikyo mumanyekyo nicha na mughire nia njicha vundu vwa ilomba yenyu. 8 Ithongolea findo fyoshe mughire bidii hena ifurana kwaku lukundo luchishigha iraghishana lo. 9 Murorane vucha kila umwi bila inung'unika. 10 Fundu kila umwi wenyu anikiwe thawadi, itumienyi hena ighenjana tha vaghemkia vecha va thawadi fwa tichifunywa bure ni Ruva. 11 Kole mndu akagaya na agaye tha kirero kya Ruva na mndu akahirira vengi na kive ku ni kwa iirimishwa ni Ruva, kimetha ku kwa kila kindo Ruva atagolwe iiria Yesu Kristo. Thifa ndue na iirima fina we telele na telele. Amina. 12 Vambwie, munandetara mghesho uchimuchia ku ni kindo kya kighenyi, ingawa haghire kindo kighenyi kiafumia kwenyu. 13 Mira fundu muathika achivia mavwathi gha Kristo, ichweni nicha kimetha pia muichwe nicha na ishangilia hena ivonekana ya utukufu lwakwe. 14 Kole mundeimbiliwa vundu vya rina ya Kristo, mubarikiriwe, kwaku mbeho wa utukufu na mbeho ya Ruva ike kaghu yenyu. 15 Mira hanandeghira wowoshe akyalithwa vwasi tha mghevwagha, mrango, mghehira fivichwa kana ishughulika na findo fya vandu. 16 Mira kole mndu andelithwa vwasi tha Kristo lee, anandevona iraghwa, mira amtukuthe Ruva hena irina yo. 17 Kwaku igheri lindefika ya inyanyiriwa idungila hena nyumba ya Ruva. Na kole iyadungia kweru lee, kyacheva kwia kwa vaya varathikughata hena injili ya Ruva? 18 Na kole "aghire haki akyakirwa kwa ugumu kwio lee, kiyagheva kwia kwa mndu aghire thambi?" 19 Hena ikyo voshe vakyaya vwasi ifumana na kikundire cha Ruva vavike nafsi tavo kwa mgherumba weaminika kunu vakihira ficha.