Sura ya 5

1 Niamulomba bhaghothi bhakeihamwina imwe, inyi, ninge mghothi uroo na mghemkia bwathi bwa Kristo, na uya kangi nimshirika hena utukufu wabhonikana. 2 Hena ikyo niamunika ikujiimwe bhaghothi, embienyi ifio ya Rubha likei hamwikwenyu. Lilolienyi, thiku muashighwa mira kwalia mghimacha kwiyo lanana na Rubha, lilolienyi, thi kwaifura yo matundu gtairawa, mira kwaifura. 3 Mnakubhikia mubharwe kaghu ya bhandu bhakei thinyi ya bhandu mubhalolerie, mira bhenyi mfano hena ifia yabho. 4 Haya mgheembea mrwe akammanyika, mwaghuhia nga ya ngathu irareta uthamani wakwe. 5 Hena ikyo naimwe bhathoro bhandu, gharenyi kwa bharwe bhenyu. Imwebhoshe, uraenyi ighara na ighenjanya imwe kwa imwe kwani Rubha achibhakabha bhaghire kiburi mira achibhanika mbora mruachikughata. 6 Hena ikyo gharenyi thinyi ya kubhoko kwa Rubha kughire ndhinya kimacha amubhutire kwa igheri yakwe. 7 Mbhikienyi mabhwathi ghenyu kaghu yakwe kwalia aamughenjera. 8 Ghirenyi buthara, ghirenyi bhucha kwa ilolea. Uyambhichwa wenyu ibilithi tha thimba iahoroma iyaombhelea, ikikasha mruwe nibara. 9 Mkenyi kiughongo kyakere. ghirenyi ngujuhena miirikilie yenyu bhake mathangenyi, bhaairia bwathi tha itho. 10 Ikinabhe akatethwa kwa igheri yacha, Mrungu wa mborere yoshe afuileghe hena utukufu wa telele bhoshi ya Kristo, afumalilia, afubhikia ndhinya na ifubhikianguju. 11 Endhi ibhe kwakwe telele na telele. Amina. 12 Ninde mthamini Silwano tha weru mwaminifu, na nimuandikirie imwe, kwa kiwihiliria kwakwe. Niyamunika ikuji na niyamushuhudia iku nikiandikie ni mbora ya kweri ya Mrungu. Nkenyi bhoshi yakwe. 13 Bhagheamini bhake Babeli, bhathaghuriwe hamwi na imwe, bhaa muirikira, na Marko mraha wakwa, aamuirikira. 14 Rereanenyi kila umwi kwa ibuthu ya ifura. Na (amani) mborere ibhe kwenyu mkebhoshi ya Kristo.