Sura ya 9

1 Inyi thi huru? Inyi thi mtumenyi? Inyi thimbho renyi Yesu Mrumi weru? Imwe mundunda ta ndima yakwa hena Mndumi? 2 Kole inyi thira mtume kwa bhengi mira ni mtume kwenyu. Kwa lia imwe mukeni wakwa hena utume wa Mndumi. 3 Iu niutetethi wakwa hena bhaya mbhanjiibharia inyi. 4 Kula fughire haki yeya nainywa fye? 5 Haghire haki ye ondoa mka aaminie tha fundu bhahirire mitume bhengi, na wabho Mndumi na Kefa? 6 Kana ni inyi njeka na Barnaba mfya shigha fuhire ndima? 7 Nii achihira ndima ya athikari kwa matunda ghakwe weka? Nii achirema mithabibu ana ya ndunda takwe? Kana nii achiembea anaya mandha gha ndima yakwe? 8 Kana nnderera findofi kwa nguju ta kibhandu? Sheria nayo ichirera kwio? 9 Kwa lia iandikiwe hena sheria ya Musa, ''Kuna pfhunga ng'umbe ya kijo." Ni keni iha Rubha aalolea ng'umbe? 10 Kana aarera kwa thababu yeru iandikiwe kwa thababu yeru, kwa thababu we aarema aghire matumaini nawe aakobha akobhe kwa ishiriki hena mafyindiko. 11 Kole fubhiee findo fya ngoonyi kwenyu, akani firero fire fukakobha findo fya miri kwenyu? 12 Kole bhengi bhapatie hakii kwenyu, ifye futhaidi fye? Hata kwio fuidaiefye hakii. Badala yakwe furimililie ili funabha kikwatho cha kindo. 13 Mwiichimwe kuu bhaya bhachihira ndima hetathia bhachiya hena hetathia (hekaluni)? Mwichimwe bhaya bhachihira ndima mtathonyi bhachia kia kichipatikana hena mtatho tho (mathabahu)? 14 Heicho Mndumi aleagithire bhaya mbhatika kirero chakwe bhaishi ifumana na kirero chakwe. 15 Mumanye thina mulabhianyi chochoshe. Na thiandikienyi ili kindoki kihirike kwa thababu yakwa. Keba inyi nifye kuliko mndu wowoshe ibadilisha ikutu mbisha kwakwa. 16 Kwalia nua hubiri kirero chebirikia thighire thababu yekukwera nyi kwa thababu nilathima ni hire kwii. Na olewakwa thina ihubiri injili! 17 Ang'u nikahira kwii kwa ifura yakwa ni baraka. Lakini kole thira ifura yakwa bado nina ndima ya vwakili. 18 Bathi baraka yakwa niiki? Heicho nibirikire, Na funya ibirikira bila maliho na bila itumia kwa utimilifi kwa haki yakwa hena injili. 19 Hamwi kunndebha mwaji kwa bhoshe mira nndebha muhiri ndina woshe, ili niirime ibhapata na bhengi. 20 Kwa Bhayahudi nigheke tha Bhayahudi, ili nibhapate Bhayahudi. Kwa bhaya bhake mbai ya sheria, nigheke nabho bila ikubhutira mbai ya sheria ili nibha pate bhaya bhake mbai ya sheria. Nighehirire kwio mira hafainyi njeka thikenyi mbai ya sheria. 21 Heicho bhaya bhake bwagha ya sheria, nigheke thaumwi wabho bwang'a ya sheria, ingawa inyi njeka thikenyi bwang'a ya sheria ya Rubha, bali mbai ya sheria ya Kristo. Nighehirire kwio ili nibhapate bhaya bhake bwang'a ya sheria. 22 Kwa bhashokeri nigheke tha bhashokeri ili mbhapate bhashokeri. Nindebha hali toshe kwa bhandu bhoshe, ili kwa njia toshe nipale ipata baathi. 23 Nanyi nnafanya kwio kwa thababu ya injili ili ni shiriki hena baraka (mbora). 24 Mwichimwe hena ishindana bhoshe bhaghe shindana bhachi richa, lakini achipata thawadi ni umwi? Heicho richenyi ili mupate thawadi. 25 Mghechetha achikuthuia ake hena mafundishwo bhachihira kwio ili bhaghe kela bhanikwe thawadi ichikondeka, mira ifwe mfwari cha ili fupate ibarikiwa, 26 lakini nnaulitha buhathi mwiri wakwa ilinihire tha mtumiva. 27 Lakini nnaulitha mwiri bhwathi ili nibhetha mtumwa thina ghe hubiri bhegi inyi njeka uikabha wereghwa.