Sura ya 8

1 Luvaha hena vijo fifunyirwe itathi ya ngoma: fuichi ku "ifwe voshe fughire kiavia" Kiavia kichiende ikubaha, mira ifura lichiagha. 3 Kole haghire mndu wowoshe akyatafija ku aichi kindo kivile, mndutho anamangawe ku nkyamtara imanya. 2 Mira kole umwi wenyu akamfura Ruva, amanywa niwe. 4 Henaikyo ihuthu iya fijo fifunyirwe itathi iya fijo fifunyirwe itathi ya ngoma: fuichi kii "ngoma thi kindo kyo iha ithangenyi na ku haghire Ruva ungiho ila umwi du.'' 5 Kwaku haghire vengi wachiilaghwa mirungu kole ni ipfo kaghu kana ithangenyi, tha fundu vwakei mirungu na vamangi vengi." 6 "Hamwi naku kweru haghire Ruva umwi du nawe niwe Papa, findo fyoshe fifumie kwakwe, naifwe furue kwake na Mndumi umwi Yesu Kristo, ngewe kwakwe vindo vyoshe firumbiwe na kwakwe ifwe voshe furumbiwe.'' 7 Hata kwio kiugho ki kike kwa kila mndu kyo. Hata kwio vengi vahirire ibada tha ngoma iho kala, na mpaka luvaha mmbaya fijo fyo thaku ni kindo kifunyirwe itathi kwa ngoma. Thamiri thavo tipulungenywe kwaku ni thaifu. 8 Mira kijo kyafuighu tishakyo ifwe kwa Ruva. Ifwe fuwafichwa fwe mnu kole furaye, kana vecha mnu kole fukaya. 9 Mira mulolie nicha ku uhuru wenyu lunava thababu ye ringilia wia mshokeri hena mwitikijo. 10 Ghera cho idunganya ku haghire mndu akuvonire, iwe kuichi, nkwaya kijo hena hekalu ya ngoma. Thamiri yakwe mndu tho akuvonire yava ya vindofwo fifunyirwe itathi kwa ngoma? 11 Hena ikyo vundu vwa imanya yapfo ya ukweri hena asili ya ngoma, wenyu hang'u lumbwio ningemshokeri, niwe Kristo apfie vundu vwakwe. 12 Henaikyo, ukihira thambi kiravaie hena wenyu na valumbwio na ijeruhi ngoo thavo tishokere, mwahira thambi kiravaie mothia ya Kristo. 13 Kole kijo nkyaruma mudahane iwe na wenyu na lumbwio, thikaye nyama too, kimetha thinaruma weru hang'u lumbwia wakwa ateshanye.