Sura ya 6

1 Umwi wenyu akamghira itatizo na varwee, anaghera ighenda kwa kitala kya vandu varaghire haki abakela mothia ya vagheamini? 2 Mwichimwe ku vagheamini vanyamarisha ithanga? Kwa liya mwaimamwe iamua findo viraghire muhimu? 3 Mwichimwe ku fwavannyamarisha malaika? Ni kwa njia njiki ingi fwairima iamua vindo vya maisha igha? 4 Kole fwairima inyamarisha findo fya maisha hga, haniki mwadhubutu itika mashitaka mothia ya vaya varachimka kanithani? 5 Narera findofi kwa iraghwa yenyu, haghire ho aghire kiugho maghari yenyu aivima ivika findo nicha kati ya mndu na mndu? 6 Mira vundu kuke luvaha, mgheamini umwi aghenda kitala kwa ajili ya mgheamini urwee, na milaha yavikwa mothia ya mghenyamarisha arachiamini! 7 Ukeni ni ku haghire matatitho katikati ya Vakristo ghandemiende usumbufu kwenyu. Haniki funatetheka kwa fivichwa? Haniki mwairikia ilembwa? 8 Mira muhirire fivichwa na ilemba vengi, navo ni vakaka na vadada vyenyu! 9 Muichimwe kuvaya varaghire haki vakaorevo vufumwa vywa Ruva munaamini mongo, vaacherati, vaghetatha ngoma, vazinzi, wafiraji, valawiti, 10 vakea, vaumie, valevi, vakea, vatukanaji, vengi hena ivo vyakaghevonevo vufumwa vwa Ruva. 11 Na hena vo baadhi yavo nighe imwe mweka. Mira mundemieleshwa, mira mundemithambwa mira munde mtengwa ni Ruva, mira mundemfanywa haki mothia ya Ruva hena irina ya Mndumi ya Ruva weru. 12 "Findo fyoshe ni halali kwakwa", mira thi kila kindo kighire cho faida. "Findo fyoshe ni halali kwakwa, mira sikatawaliwenyi ni kimwi kya ifyo. 13 "Kijo ni kwa mburi ya ndenyi, na ndenyi ni kwa mburi ya kijo," Mira Ruva afirete vyoshe. Mwiri urambiwetho kwa mburi ya ukahaba, mira mwiri ni kwa mburi ya Mndumi, na Mndumi auchemba mwiri. 14 Ruva alemfufurie Mndumi na ifwe aghefufua kwa nguju takwe. 15 Mwichimwe ku miiri yenyu ina muunganiko na Kristo? Mwwairima kuya ifunya fiungo fya Kristo na ighenda ghefiunganisha na kahaba? Kikavekyo! 16 Mwichimwe ku uya aungana na kahaba andeva mwiri umwi nawe? Vundu kirero kighambie, vandu vavi vava mwiri umwi." 17 Mira uya aungana na Mndumi ava ngoo imwi hamwi nawe. 18 Richenyi zinaa kila thambi aihira mndu ni bwang'a ya mwiri wakwe, mira zinaa mndu achihira thambi ya mwiri wakwe weka. 19 Mwichimwe ku miiri yenyu ni hekalu ya mbeho mcha, achiikaa voshi yenyu, uya munikiwe ifuma kwa Ruva? Muichimwe ku muke mweka mwe? 20 Ku mughuriwe kwa thamani, hena ikyo mrvikienyi shima hena miiri yenyu.